Qazaqstan chempıonatynda Almaty quramasy taekvondodan 15 medal jeńip alyp, komandalyq esepte birinshi oryn ıelendi

Almaty quramasy eresekter arasynda taekvondodan (WT) ótken Qazaqstan chempıonatynda bes altyn, tórt kúmis jáne alty qola medal jeńip aldy, - dep habarlaıdy alnews.

Komandalyq esepte ekinshi oryndy Shymkent quramasy, úshinshi oryndy Túrkistan oblysynyń komandasy ıelendi. Bul týraly Almaty qalasy Sport basqarmasynyń ókilderi aıtty.

Almatylyq sportshylar 2022 jyldan beri, ıaǵnı bes jyl qatarynan komandalyq esepte kósh bastap keledi. Osy ýaqyt aralyǵynda el chempıonatynda tórt ret top jarsa, 2023 jyly Qazaqstan Spartakıadasynyń komandalyq esebinde de jeńimpaz atandy.

Bıylǵy chempıonat 4-6 qarasha aralyǵynda Almatydaǵy Balýan Sholaq atyndaǵy sport saraıynda ótti. Eldiń barlyq óńirinen kelgen 350-ge jýyq sportshy 16 salmaq dárejesi boıynsha júldelerdi sarapqa saldy.

Erkebulan Eńsegenov (54 kelige deıin), Nuráli Mahmut (58 kelige deıin), Muhammedáli Mahmut (63 kelige deıin), Batyrhan Kúcetov (80 kelige deıin) jáne Rıta Bakısheva (46 kelige deıin) Qazaqstan chempıony atandy.

Kúmis medaldi Aıdana Qumartaeva (46 kelige deıin), Arýjan Naımanbaeva (67 kelige deıin), Damır Shúlenov (68 kelige deıin) jáne Bekarys Nurǵazy (87 keliden joǵary) jeńip aldy.

Qola júldegerler qatarynda Janel Sultanǵalıeva (46 kelige deıin), Sanjar Ismaıl (58 kelige deıin), Ázim Nıazov (63 kelige deıin), Nurbek Ǵazez ben Sultanbek Orynbek (68 kelige deıin), sondaı-aq Nurrıza Turarova (73 kelige deıin) bar.

Aldyńǵy
Almaty ǵalymdary Qazaqstan Prezıdentiniń Joldaýynda aıqyndalǵan basymdyqtardy talqylady
Kelesi
15 medaleı ı pervoe mesto v komandnom zachóte zavoevala sbornaıa Almaty na chempıonate Kazahstana po taekvondo

Sońǵy jańalyqtar:

İzdeý