Bıyl 20-30 qarasha aralyǵynda «Halyq qatysatyn búdjet» baǵdarlamasy aıasynda Almatyny kórkeıtýge arnalǵan jobalar boıynsha onlaın daýys berý ótedi, - dep habarlaıdy alnews.
Daýys berýge Almatyda turaqty tirkeýi bar, kámelet jasyna tolǵan kez kelgen turǵyn qatysa alady.
Daýys berý budget.open-almaty.kz portalynda júrgiziledi. Ol úshin portaldyń basty betindegi «Daýys berý» bólimin tańdap, usynylǵan jobalarmen tanysý jáne unaǵan úsh jobaǵa deıin qoldaý bildirý qajet. Daýysty rastaý úshin elektrondyq sıfrlyq qoltańba (ESQ) nemese SMS-kod qoldanylady.
Baǵdarlama aıasynda megapolıs turǵyndarynan barlyǵy 2 128 jobalyq usynys túsken. Onyń 471-i daýys berýge jiberildi.
Eń kóp daýys jınaǵan jobalar 2027 jyly aýdan ákimdikteri tarapynan júzege asyrylady.
«Halyq qatysatyn búdjet» baǵdarlamasy týraly keńes nemese qosymsha aqparatty aýdan ákimdikterinen, sondaı-aq Almaty qalasy ákimdiginiń Open Almaty qoǵamdyq qabyldaýynan 224 39 29 (ishki nómiri – 203) telefony arqyly alýǵa bolady.
Almaty turǵyndaryn daýys berýge belsendi qatysyp, qalalyq ortany jaqsartýǵa baǵyttalǵan jobalardy qoldaýǵa shaqyramyz!