Almatyda DEAF MADE – 2026 respýblıkalyq ınklúzıvti festıvali ótti

Almatyda elimizdiń ár óńirinen kelgen estý qabileti buzylǵan daryndy jastardyń basyn qosqan «DEAF MADE – 2026» respýblıkalyq ınklúzıvti festıvali ótti, - dep habarlaıdy alnews.

Oǵan Almaty, Shymkent jáne Qaraǵandydaǵy bilim berý uıymdarynan 50 qatysýshy, sondaı-aq 19 jetekshi men birge kelgen ókil qatysty.

«Shyǵarmashylyq tili. Teń múmkindik keńistigi» uranymen ótken festıvál erekshe bilim berý qajettiligi bar jastardyń shyǵarmashylyq qabiletin, kásibı sheberligi men jetistikterin kórsetýge múmkindik berdi.

İs-sharany Almaty qalasy Bilim basqarmasyna qarasty Almaty tehnologıa jáne florıstıka koleji uıymdastyrdy. Festıválge kolej stýdentteri men arnaıy bilim berý uıymdarynyń tárbıelenýshileri qatysty. Baıqaý baǵdarlamasy oflaın jáne onlaın formatta ótti.

Qatysýshylar jumysyn birneshe nomınasıa boıynsha usyndy. «Bizdiń brend» baıqaýynda komandalar jetistigi men tyń ıdeıasyn tanystyrsa, «Ovasıa» nomınasıasynda horeografıalyq sheberligin kórsetti. Al «Án men ym-ıshara» baǵyty boıynsha mýzykalyq shyǵarmalardy ym tilinde oryndady.

Festıváldiń jarqyn sátteriniń biri «Zamanaýı etnostıl» sán kórsetilimi boldy. Onda qatysýshylar ulttyq dástúrler men zamanaýı dızaınerlik sheshimderdi úılestirgen biregeı kıim toptamalaryn usyndy. Sonymen qatar jas sheberlerdiń shyǵarmashylyq áleýeti men kásibı daǵdysyn tanytatyn avtorlyq jáne qoldan jasalǵan buıymdar kórmesi uıymdastyryldy.

Baıqaý qorytyndysy boıynsha «Bizdiń brend» nomınasıasynda Almaty tehnologıa jáne florıstıka koleji birinshi oryn aldy. «Ovasıa» horeografıalyq baǵyty boıynsha Almaty servıs jáne tehnologıalar koleji jeńimpaz atandy. Al «Zamanaýı etnostıl» nomınasıasynda Almaty qalasyndaǵy №5 arnaıy (túzetý) mektep-ınternatynyń komandasy úzdik dep tanyldy.

Júldeli oryndarǵa Almaty qalasyndaǵy №1 jáne №7 arnaıy mektep-ınternattarynyń, Shymkent qalasyndaǵy Energetıka jáne baılanys kolejiniń, Qaraǵandy joǵary ınjınırıń kolejiniń jáne Qaraǵandy tehnologıa jáne servıs kolejiniń komandalary da ıe boldy. Jeńimpazdar men júldegerlerge altyn, kúmis jáne qola medal tabystaldy.

Aldyńǵy
Almaty ýkrepıl mejdýnarodnye pozısıı v sfere delovogo týrızma po ıtogam ICCA Congress 2026
Kelesi
V Almaty proshól respýblıkanskıı ınklúzıvnyı festıvál DEAF MADE – 2026

Sońǵy jańalyqtar:

İzdeý