Almaty ICCA Congress 2026 qorytyndysy boıynsha iskerlik týrızm salasyndaǵy halyqaralyq ustanymyn nyǵaıtty

Panama qalasynda ótken Halyqaralyq kongrester men konferensıalar qaýymdastyǵynyń (ICCA) 65-shi jyl saıynǵy kongresi Almatyǵa áleýetin halyqaralyq kásibı ortaǵa tanystyryp, jańa iskerlik baılanys ornatýǵa múmkindik berdi. İs-sharaǵa álemniń 80 elinen 1 293 delegat qatysty, - dep habarlaıdy alnews.

Almaty Tourism Bureau Visit Almaty brendi arqyly Almatynyń halyqaralyq iskerlik is-sharalardy ótkizý múmkindikterin tanystyrdy. Kongres aıasynda komanda sheteldik seriktestermen, kásibı qaýymdastyqtar men sala ókilderimen birqatar kezdesý ótkizdi.

Ásirese, medısına, ǵylym, tehnologıa, bıznes jáne ınovasıa salalaryndaǵy is-sharalarǵa basymdyq berildi. Bul baǵyttar halyqaralyq kásibı qaýymdastyqtardy Almatyǵa tartýǵa, tájirıbe almasýǵa jáne iskerlik yntymaqtastyqty damytýǵa múmkindik beredi.

ICCA Congress 2026 baǵdarlamasynda iri halyqaralyq is-sharalardy ótkizýge ótinim daıyndaý, qabyldaýshy qalany tańdaý ólshemderi, týrısik baǵyttardy ilgeriletýde jasandy ıntellektini qoldaný, sondaı-aq ýnıversıtettermen jáne áýe kompanıalarymen ózara is-qımyl máseleleri qamtyldy. Baǵdarlamanyń shamamen 60 paıyzy iskerlik kezdesýler men kásibı baılanystar ornatýǵa arnaldy.

Kongrestiń mańyzdy oqıǵalarynyń biri ICCA qaýymdastyǵynyń jańa prezıdentin saılaý boldy. Barcelona Convention Bureau dırektory Krıstof Tessmar qaýymdastyq prezıdenti bolyp tórt jyl merzimge saılandy. Kelesi kongres 2027 jyly Kıgalıda (Rýanda) ótedi.

Kongreske qatysý Almatyǵa halyqaralyq kásibı baılanys aıasyn keńeıtýge, qalanyń múmkindikterin áleýetti seriktesterge tanystyrýǵa jáne yntymaqtastyqtyń jańa baǵyttaryn aıqyndaýǵa múmkindik berdi. Aldaǵy ýaqytta ornatylǵan baılanysty nyǵaıtyp, Almatyda halyqaralyq is-sharalar ótkizý boıynsha tıisti qaýymdastyqtarmen birlesken jumysty jalǵastyrý josparlanyp otyr.

Aldyńǵy
Sbornýıý Almaty provodılı na respýblıkanskıı chempıonat WorldSkills Kazakhstan 2026
Kelesi
Almaty ýkrepıl mejdýnarodnye pozısıı v sfere delovogo týrızma po ıtogam ICCA Congress 2026

Sońǵy jańalyqtar:

İzdeý