Elimizde balalar arbasymen avtobýsqa kirýge tyıym salynbaǵan – mınıstrlik

Balalar koláskasymen avtobýstarǵa kirýge tyıym salynǵany týraly taralyp jatqan málimdemeler shyndyqqa sáıkes kelmeıdi, - dep habarlaıdy alnews.

QR Kólik mınıstrliginiń málimetinshe, qoldanystaǵy qaǵıdalar ata-analardyń balalar koláskasymen qoǵamdyq kólikte júrýine tyıym salmaıdy.

Avtomobıl kóligimen jolaýshylar men bagajdy tasymaldaý qaǵıdalaryna engizilgen ózgeristerge sáıkes, avtobýs salony shamadan tys tolǵan jaǵdaıda, ata-anaǵa arnalǵan bos oryn bolǵan kezde balalar koláskasyn jınalǵan kúıde alyp júrý kózdelgen. Bul rette koláska jolaýshylardyń erkin qozǵalýyna kedergi keltirmeýi tıis.

Atalǵan talap jolaýshylardyń, onyń ishinde balalar men olardy alyp júretin ata-analardyń qaýipsizdigin qamtamasyz etýge, sondaı-aq avtobýs salonyndaǵy erkin ótý jolyn saqtaýǵa baǵyttalǵan.

Eger ata-anaǵa balalar koláskasyn jınaý qolaısyz bolsa, ol saparyn koláskany jaıylǵan kúıinde jalǵastyra alady.

Bul rette aıyppul salý, jolaýshyny avtobýstan túsirý nemese ózge de sanksıalar qoldaný kózdelmegen.

Aldyńǵy
Almatynyń Medeý aýdanynda 24 úıdiń qasbeti jańartyldy
Kelesi
V Kazahstane razásnılı pravıla proezda v avtobýsah s detskımı koláskamı

Sońǵy jańalyqtar:

İzdeý