18 qarasha kúni Almaty qalasynyń Bostandyq aýdanynda ulttyq zıatkerlik oıyn- toǵyzqumalaqtan aýdandyq BOSTAN CUP týrnıri ótti. Jarysqa ulttyq oıynǵa, zıatkerlik sportqa jáne básekelestikke qyzyǵýshylyq tanytqan 100- den astam bala men jasóspirim qatysty.
Týrnır Almaty qalasy Jastar saıasaty basqarmasynyń qoldaýymen jáne «Toǵyzqumalaq» bos ýaqytty uıymdastyrý ortalyǵynyń uıymdastyrýymen Oqýshylardyń ınovasıalyq shyǵarmashylyq ortalyǵynda ótkizildi.
Jarys bes kezeń boıynsha uıymdastyrylyp, qatysýshylar ózderiniń sheberlikterin, strategıalyq oılaý qabiletterin, zeıinderin jáne durys sheshim qabyldaý daǵdylaryn kórsete bildi. Toǵyzqumalaq- tek oıyn erejelerin bilýdi ǵana emes, sonymen qatar logıkany, shydamdylyqty, esepteýdi jáne ózindik taktıka qura bilýdi talap etetin zıatkerlik oıyn.
Týrnır aıasynda óskeleń urpaq arasynda ulttyq zıatkerlik sportty keńinen nasıhattaýǵa, mádenı dástúrlerdi saqtaýǵa jáne balalar men jasóspirimderdiń ıntellektýaldyq qabiletterin damytýǵa erekshe kóńil bólindi.
BOSTAN CUP týrnıri qatysýshylar úshin ózara qarym- qatynas ornatýǵa, tájirıbe almasýǵa jáne sporttyq sheberlikterin kórsetýge múmkindik beretin alańǵa aınaldy. Jas oıynshylar óz kúshterin synap, toǵyzqumalaq áýesqoılarymen tanysyp, jańa jarys tájirıbesine ıe boldy.
Týrnır qyzyǵýshylyqqa, dostyq básekege jáne ulttyq qundylyqtarǵa degen qurmetke toly atmosferada ótti. Bul shara jastar arasynda zıatkerlik sport túrlerine degen qyzyǵýshylyqtyń joǵary ekenin jáne óskeleń urpaqtyń jan- jaqty damýy úshin osyndaı is- sharalardyń mańyzdylyǵyn taǵy bir márte kórsetti.