Bıyl úılerdiń qasbetin qaıta jańǵyrtý jáne jańartý baǵdarlamasy aıasynda 54 úıde jumys júrgizý josparlanǵan. Búginde sonyń 24-inde jumys tolyq aıaqtaldy, - dep habarlaıdy alnews.
Jańartylǵan nysandardyń qatarynda Sátbaev kóshesi, 6 mekenjaıyndaǵy turǵyn úı de bar.
Jumys barysynda úıdiń qasbeti sylanyp, syrlandy. Sonymen qatar áktas (Limestone) pen granıtten sándik árleý jumystary júrgizildi.
Ǵımarattyń sáýlettik ereksheligin aıqyndap, keshki ýaqytta oǵan zamanaýı ári kórikti kelbet berý úshin jaryqtandyrýǵa da erekshe kóńil bólindi.
Bul jumystar úılerdiń sáýlettik kelbetin jaqsartýǵa, kóshelerdiń kórkin arttyrýǵa jáne qala turǵyndary úshin jaıly orta qalyptastyrýǵa baǵyttalǵan.