Avtomatty berilis qoraby bar avtomobılderdiń ıeleri kóbine qol tejegishin paıdalanbaıdy. Olar turaq rejımi (R) qol tejegishimen birdeı fýnksıalardy oryndaı alatynyna senimdi. Alaıda sarapshy basqasha oılaıdy.
Avtomatty berilis qorabyndaǵy «turaq» rejımi berilis qorabynyń shyǵys biliginiń aınalýyn tisti dóńgelek (shesterna) pen «tirekten» turatyn arnaıy mehanızm arqyly buǵattaıdy. Bul mehanızm avtomobıl ishindegi berilis qoraby selektory arqyly iske qosylady. Redýktordy aýystyrý tutqasy P (turaq) kúıine jyljytylǵanda, arnaıy túıreýish berilis qorabyndaǵy tisti dóńgelekterge kıilip bekitiledi.
Al turaq tejegishi, negizinen dońǵalaqty kolodkalar arqyly qysyp, avtomobıldiń dóńgelekterin tikeleı buǵattaıdy.
Osyǵan súıene otyryp, qol tejegishi avtomobıldi ornynda senimdirek ustaıtyny anyq. Bul ásirese kólik eńiske qarap turǵanda óte mańyzdy. Mundaı jaǵdaıda qol tejegishti qoldanbasańyz, tek avtomatty berilis qorabyndaǵy mehanızm ǵana ustaıdy. Nátıjesinde, berilis qorabynyń buzylýyna ákelýi múmkin.
Qol tejegishi kólik quralynyń qaýipsizdik júıesiniń mańyzdy elementi bolyp tabylady. Bul avtomatty berilis qoraby isten shyqqan jaǵdaıda da kólikti ornynda ustaýǵa kómektesedi. Sondyqtan avtomatty berilis qoraby bar kólik júrgizýshileri mindetti túrde qol tejegishti qoldanýy kerek, dep túıindedi sarapshy.
