Túrksib aýdanynda áleýmettik ınfraqurylym damyp keledi. Bilim berý men densaýlyq saqtaý salasynda bir mezette 20-dan astam joba júzege aspaq. Óńirlik komýnıkasıalar qyzmetinde Baqytjan Aqjarov bıyl iske qosylatyn jáne aldaǵy eki jylǵa josparlanǵan jumystar týraly aıtty, - dep habarlaıdy alnews.
Bıyl aıaqtalǵan jobalar:
• №59 mektep-gımnazıasynyń bólimshesi qaıta jańartyldy,
• jataqhanasy bar Telekomýnıkasıa kolejiniń qurylysy.
Jyl sońyna deıin paıdalanýǵa beriletinder:
• Time City, Parasat, Altyn City, Jeti Qazyna turǵyn úı kesheninde 6100 oryndyq 4 jańa mektep,
• №50 mekteptiń seısmıkalyq kúsheıtilýi,
• PK Qonaevta 260 oryndyq balabaqsha.
Jas-Qanat shaǵynaýdanynda úlken joba — Shyǵarmashylyq damytý ortalyǵynyń qurylysy bastaldy.
2026 jylǵa arnalǵan jobalar:
• №170 mektepte 125 oryndyq qosymsha ǵımarat salynady,
• №78 mektepti 450 orynǵa qaıta jańartady.
Sonymen qatar 6 úlken bilim berý nysanynyń jobalaý jumysy júrgizilip jatyr, onyń ishinde:
• №74, №89, №20 mektepte jańa ǵımarattar salý,
• №142 jáne №84 mektepti jańǵyrtý,
• Altaı, Álmerek shaǵynaýdany men Ogarev kóshesinde balabaqsha jobalaý.
Bıyl Juldyz shaǵynaýdanyndaǵy №20 emhanaǵa kúrdeli jóndeý júrgizildi.
Jyl sońyna deıin aıaqtalatyn jobalar:
• Aıbasov kóshesinde 200 adamǵa arnalǵan ambýlatorıa alynady,
• №4 qalalyq klınıkalyq aýrýhananyń qabyldaý bólimin jańǵyrtady.
Namaganskaıa kóshesinde aýysymyna 500 adam qabyldaıtyn emhana salynady. Onyń qurylysy keler jyldyń tamyzynda bitpek.
Alty nysan boıynsha jobalyq-smetalyq qujattama ázirlenip jatyr, oǵan mynalar kiredi:
• 200 adamǵa arnalǵan 2 otbasylyq-dárigerlik ambýlatorıa (RV-90 jáne Álmerek sh/a),
• №24 qalalyq emhana men Ftızıopýlmonologıa ortalyǵy ǵımarattary kúrdeli jóndeýden ótedi,
• №8 qalalyq klınıkalyq aýrýhanany jańǵyrtady,
• Qaırat shaǵynaýdanynda 340 adamǵa arnalǵan emhana salynady.
