Suhbat jan-jaqty órbidi. Ózi tárbıelep ósirgen shákirti Jandarbek te suraqty ústi-ústine qoıyp, keıipkeriniń shynaıy sóıleýine ıtermeledi. Sondyqtan bolar Júrsin aǵamyz da oıyn ashyq aıtýǵa tyrysty.
- Dinmuhamed Ahmetuly Qonaevtyń 100 jyldyǵy boldy ǵoı aǵa. Óte bir qıyn ótti sol aıtys. Quzyrly organdardyń kúzetýimen ótti. Sol jerde sahna syrtynda estidim, qanshalyqty ras-ótirigin? Sahnada sháı quıyp júrgen qyzdardyń barlyǵy UQK qyzmetkerleriniń qyzdary eken dep. Sol ras pa?
- Bul bos sóz. Sahnada sháı quıyp júretin qyzdardy biz ózimiz shaqyratynbyz tańdap. Kishkene boıy-basy túzý. Ulttyq kıimmen. Ondaı áńgime joq. Qonaevqa arnap eki ret aıtys ótkizdik ǵoı. Qonaevtyń mereıtoıyna baılanysty. Ekeýi de qıyn ótti. Balýan Sholaq saraıynda ótkizdik bireýin. Saraıdyń syrtyna 72 sharshy metr Qonaevtyń sýretin ilip qoıdyq. «Qonaevtaı er qaıda?», - dep. Sony alǵyzdy ǵoı. Almaty qalasynyń bıliginde otyrǵandar. Al deıdi. Aldyrdy. Ne isteısiń? Qonaevtaı tulǵanyń aıtysy dúrkirep ótti. Aqyndar da baryn salyp tyrysyp baqty.
Al men óz basym sol Qonaevty sonshama uly adam dep eseptemeımin. Óıtkeni jibergen kóp qatelikteri bar. Kekshildikke salynǵan kezderi boldy. Mynaý Arqadan shyqqan kórnekti qaıratkerlerdi qyzmetke qoımaı, qýdalady. Evneı Býketovty, Qanysh Sátpaevty qýdalady. Kitabyn shyǵartpady. Sol meniń kóńilime dyq ete qalady. Biraq qalaı bolǵanda da qazaqqa eńbegi sińgen adam. Biz bári birdeı jaqsy bolsa deımiz. Biraq ondaı bolmaıdy ǵoı. Bir isi nashar, bir isi táýir boldy. Sony eskerdik. «Qonaevtaı er qaıda?» degen aıtys sodan shyqty, - dep jaýap berdi Júrsin Erman.
Sonymen, D.Qonaev J.Erman aıtqandaı qaıratkerlerge qysastyq jasady ma? Siz qalaı oılaısyz?
