Almaty qalasynda Jastar saıasaty basqarmasynyń qoldaýymen barlyq komúnıtı-ortalyqtarda jastardyń damýyna jáne olardyń ózin-ózi júzege asyrýyna múmkindik beretin túrli dıalogtyq alańdar uıymdastyrylýda.
Kezdesýlerde ekologıa men azamattyq belsendilikten bastap, kreatıvti ındýstrıalar men startaptarǵa deıin ártúrli taqyryptar qozǵalady. Spıkerler retinde memlekettik organdardyń ókilderi, bıznes jáne ǵylym salasynyń mamandary, mádenıet qaıratkerleri, sondaı-aq tabysty jobalardy júzege asyrǵan jas kóshbasshylar shaqyrylýda.
Bul kezdesýler qatysýshylar úshin tek jańa ıdeıalardy tyńdaý múmkindigi ǵana emes, sonymen qatar kóshbasshylyq mektep deýge bolady. Jastar kópshilik aldynda sóıleýdi, óz bastamalaryn tanystyrýdy, seriktester men pikirles dostar tabýdy úırenýde. Mundaı dıalog alańdary almatylyq jastardy qoldaýdyń mańyzdy sharalarynyń birine aınalyp, olardy qala ómirine belsendi qatysýǵa yntalandyrady.
Aldaǵy is-sharalardan habardar bolý úshin uıymdastyrýshylar barlyq komúnıtı-ortalyqtardyń resmı áleýmettik jelidegi paraqshalaryna jazylýdy usynady.
Búginde Almatyda qalanyń barlyq aýdandarynda 11 komúnıtı-ortalyq jumys istep tur. Jyl sońyna deıin olardyń sany 16-ǵa jetip, ár aýdanda eki ortalyqtan ashylatyn bolady. Bul jastarǵa zamanaýı bilim berý, mádenı jáne áleýmettik múmkindikterge keńinen qol jetkizýge jol ashady.
