Degenmen uıqy jónindegi sheteldik sarapshy Eshlı Heınsvort adamnyń qarny ashqan kúıi uıyqtaı almaıtynyn jáne bulaı jasaý onyń (uıqynyń) sapasyn buzatynyn aıtady, dep habarlaıdy Almaty-akshamy.kz.
Maman uıyqtaýǵa kedergi keltiretin jáne uıqy sapasyn buzatyn túnde tamaqtanýdyń tanymal ádetterin tizip berdi. Durys uıyqtaýdy úıretetin mamannyń pikirin Daily Mirror basylymy keltirgen.
Heınsvort ashyqqan kúıi uıyqtamaýǵa keńes beredi, óıtkeni bul jaǵdaıda aǵzanyń uıqyǵa baǵynýy qıynyraq. Sonymen qatar, onyń pikirinshe, keıbir jeńil-jelpi jeı salatyn taǵamdar uıqyny buzýy múmkin.
«Kómirsýlar men qant bizge qýat beredi, mı jumysyn jaqsartqandaı bolady, biraq mazasyzdyqty kúsheıtedi, sondyqtan uıyqtar aldynda múmkindiginshe olardy tutynýdan aýlaq bolǵan durys», — dep keńes berdi sarapshy.
Sarapshy kez-kelgen dándi daqyldardy, quramynda alkogól men kofeın bar sýsyndardy, sondaı-aq ashshy taǵamdardy keshki ýaqytta tutyný qajetsiz dep atady. Ol buryshty shamadan artyq jeý uıqy aldynda asqazanda qyjyl týdyrýy múmkin ekenin túsindirdi. Keshki paıdaly taǵamdar retinde maman jańǵaqtar men ashymal sút ónimderin usyndy.
