Memleket basshysy Halyqaralyq «Qazaq tili» qoǵamynyń tóraǵasy Raýan Kenjehanulyn qabyldady

Memleket basshysy Qasym-Jomart Toqaev Halyqaralyq «Qazaq tili» qoǵamynyń tóraǵasy Raýan Kenjehanulyn qabyldady, - dep habarlaıdy alnews.

Prezıdentke «Qazaq tili» qoǵamy qazaq tilin oqytý ádistemesin jetildirý, qazaqsha mazmundy baıytý jáne jańa tehnologıalar salasynda tildiń qoldanys aıasyn keńeıtý sekildi úsh negizgi baǵyt boıynsha jobalardy júzege asyryp jatqany jóninde baıandaldy.

Raýan Kenjehanuly OpenAI kompanıasymen birlesken joba aıasynda kólemi 14 mıllıard token bolatyn mátin korpýsy qalyptasqanyn jáne 12 myń saǵat aýdıojazba jınaqtalǵanyn aıtty. Sońǵy úsh jylda Disney, Pixar jáne Sony stýdıalarynyń 13 tanymal fılmi qazaq tilinde dybystalyp, úlken ekranǵa shyqty.

Sonymen qatar Qasym-Jomart Toqaevqa Qazaq Tili Endowment qorynyń jumysy týraly málimet berildi. Qazirge kezde qorǵa túsken jarna kólemi 824 mıllıon teńgege jetken.

Memleket basshysy Halyqaralyq «Qazaq tili» qoǵamynyń qyzmetine joǵary baǵa berip, aldaǵy josparlary tabysty bolýyna tilektestik bildirdi.

Prezıdent memlekettik tildi úıretý, sondaı-aq ǵylymı shyǵarmalardy aýdarý isinde jasandy ıntellektiniń áleýetin barynsha paıdalaný mańyzdy ekenin atap ótti.

Aldyńǵy
Estonskıı obshestvennyı telekanal ERR vypýstıl programmý o týrısıcheskom Almaty
Kelesi
Glava gosýdarstva prınál predsedatelá mejdýnarodnogo obshestva «Qazaq tili» Raýana Kenjehanýly

Sońǵy jańalyqtar:

İzdeý