Almatylyq boksshy Maral Tólepbergen Dakarda (Senegal) ótip jatqan IV jazǵy jasóspirimder Olımpıadasynyń qola júldegeri atandy, - dep habarlaıdy alnews.
Qazaqstan quramasy sapynda 54 kelige deıingi salmaq dárejesinde óner kórsetken sportshy eki kezdesýde jeńiske jetip, Olımpıada tuǵyryna kóterildi. Bul týraly Almaty qalasy Sport basqarmasynyń ókilderi aıtty.
Maral jarystaǵy alǵashqy jeńisine 8 qarashada qol jetkizdi. Ol Ulybrıtanıa ókili Djaıa Kalsıden úsh raýnd qorytyndysy boıynsha 3:1 esebimen basym tústi.
10 qarashada ótken shırek fınalda almatylyq boksshy mysyrlyq Hadjer Elsherbını Vahbamen qolǵap túıistirdi. Bes tóreshiniń de sheshimi qazaqstandyq sportshynyń paıdasyna sheshildi. Maral 5:0 esebimen jeńiske jetip, jartylaı fınalǵa joldama aldy. Osylaısha, onyń kem degende qola medal ıelenetini belgili boldy.
11 qarashada fınalǵa shyǵý úshin ótken kezdesýde Maral Ózbekstan ókili Sabrına Chakomonovamen kezdesti. Bul joly qarsylasy 5:0 esebimen jeńiske jetti. Almatylyq boksshy jasóspirimder Olımpıadasyn qola medalmen aıaqtady.
IV jazǵy jasóspirimder Olımpıadasy 31 qazan men 13 qarasha aralyǵynda Senegalda ótip jatyr. Bul Afrıka qurlyǵynda alǵash ret uıymdastyrylǵan Olımpıada oıyndary. Jarysta Qazaqstan atynan sporttyń 11 túrinen 18 sportshy baq synap jatyr.