2026 jyly 10 qarashada Almaty qalasy mýzeıler birlestiginiń quramyna kiretin Almaty galereıasynda túrik sýretshisi, akvarel keskindemesiniń sheberi Ahmet Ógretenniń «Sý joly: Bosfordan Uly dalaǵa deıin» atty halyqaralyq kórmesi saltanatty ashyldy, - dep habarlaıdy alnews.
Halyqaralyq kórme Almaty qalasy ákimdigi men Túrkıa Respýblıkasynyń Almatydaǵy Bas konsýldyǵynyń qoldaýymen uıymdastyryldy.
Kórmege túrki áleminiń tarıhı bolmysy men baı mádenı murasyn beıneleıtin sýretshiniń 54 akvarel týyndysy qoıylǵan. Avtor eńbekteri arqyly Bosfor jaǵalaýynan Uly dalaǵa deıingi keńistikti qamtyp, túrki halyqtarynyń ortaq tarıhyn, mádenı murasy men ǵasyrlar boıy saqtalyp kele jatqan rýhanı baılanystaryn kórkem beıneleıdi.
«Kórmede Bosfordan Uly dalaǵa deıingi sapardy baıandaımyn. Bul jaı ǵana kórkem týyndylar kórmesi emes, túrki halyqtarynyń ortaq mádenıeti men tamyryn tanystyratyn, tarıhı-mádenı baılanystarymyzdy kórsetetin shyǵarmashylyq joba. Qundylyqtarymyzdy kórermenge jetkizý men úshin mańyzdy», – dedi kórme avtory, sýretshi Ahmet Ógreten.
Halyqaralyq kórme 22 qarashaǵa deıin jalǵasady. Kirý tegin. Almaty galereıasy seısenbiden jeksenbige deıin saǵat 10:00-den 19:00-ge deıin jumys isteıdi. Dúısenbi – sanıtarlyq kún. Mekenjaıy: Dostyq dańǵyly, 44.