Almatyda kólikti toqtatpaı-aq olardyń shyǵaryndylaryn ólsheıtin júıe synaqtan ótip jatyr

Almatyda pılottyq joba aıasynda kólik qozǵalysy kezinde avtomobılderden bólinetin zıandy zattardyń mólsherin qashyqtan ólsheıtin tehnologıa synaqtan ótkizile bastady, - dep habarlaıdy alnews.

OPUS RSE júıesi kólikti toqtatpaı-aq paıdalanylǵan gaz quramyndaǵy lastaýshy zattardyń naqty deńgeıin anyqtaıdy. Bul týraly Almaty qalasy Ekologıa jáne qorshaǵan orta basqarmasynyń ókilderi aıtty.

Buǵan deıin «Eco Almaty» JSHS mamandary ıspanıalyq OPUS kompanıasymen avtokólikterge qashyqtan ekologıalyq monıtorıń júrgizý tehnologıasyn engizý máselesin talqylaǵan.

Synaq júrgizý úshin kompanıa qalanyń ártúrli aýdandaryndaǵy jolǵa ornatylatyn RSD6000 jyljymaly jabdyǵyn usyndy.

Ólsheý jumystary eki apta ishinde 12 kún boıy júrgiziledi. Júıeniń kólik qozǵalysy ártúrli qarqynmen júretin jaǵdaıda qalaı jumys isteıtinin tekserý úshin jabdyqtyń ornalasqan jeri kún saıyn ózgertiledi. OPUS kompanıasynyń ókili tehnıkalyq qoldaý kórsetip, jabdyqty kalıbrleýdi jáne alynǵan derekterdiń durystyǵyn tekserýdi qamtamasyz etedi.

Synaq qorytyndysy boıynsha mamandar avtokólikterden bólinetin zıandy zattardyń deńgeıin taldap, kórsetkishterdi halyqaralyq derektermen salystyrady. Sondaı-aq qorshaǵan ortany shamadan tys lastaıtyn kólik quraldaryn anyqtaý krıterıılerin usynady.

Buǵan qosa, turaqty monıtorıń júrgizýge arnalǵan jabdyqtardy ornatýǵa oryndar belgilenedi.

Pılottyq jobanyń nátıjesi tehnologıanyń tıimdiligin baǵalaýǵa jáne Almatydaǵy avtokólikterdiń ekologıalyq talaptarǵa sáıkestigin baqylaý úshin aldaǵy ýaqytta qoldaný múmkindigin anyqtaýǵa kómektesedi. Bul rette, pılottyq joba tek zertteý maqsatynda júrgizilip jatyr.

Aldyńǵy
Almaty vyhodıt na rynok delovogo týrızma Iýjnoı Koreı
Kelesi
V Almaty testırýıýt sıstemý ızmerenıa vybrosov avtomobıleı bez ıh ostanovkı

Sońǵy jańalyqtar:

İzdeý