Almatyda vengr halyqtyq kıiz basý óneriniń sheberi Karoı Marton-Sónegıdiń sheberlik dárisi ótti, - dep habarlaıdy alnews.
İs-sharany Vengrıanyń Almatydaǵy Bas konsýldyǵy Qazaq-Oner ulttyq qaýymdastyǵymen birlesip, Almaty qalasy ákimdiginiń qoldaýymen uıymdastyrdy.
Karoı Marton-Sónegı – Junior Prima syılyǵynyń laýreaty jáne «Halyq óneriniń jas sheberi» qurmetti ataǵynyń ıegeri. Ol shyǵarmashylyǵynda vengr halqynyń dástúrli qolóner ádisterin qoldana otyryp, tarıhı murany zamanaýı kórkemdik sheshimdermen ushtastyrady.
Sheberdiń sabaǵy barysynda qatysýshylar vengr halqynyń kıiz basý óneriniń erekshelikterimen, tabıǵı júndi óńdeýdiń dástúrli tásilderimen jáne olardy zamanaýı ónerde qoldaný joldarymen tanysty. Sonymen qatar Qazaqstan men Vengrıa arasyndaǵy mádenı baılanysqa erekshe nazar aýdaryldy. Óıtkeni eki elde de kıiz basý óneri tarıhı jáne kórkemdik muranyń ajyramas bóligi sanalady.
Mundaı bastamalar halyqaralyq mádenıet almasý múmkindikterin keńeıtip, kásibı tájirıbe almasýǵa jol ashady. Sondaı-aq dástúrli qolóner túrlerin saqtaýǵa jáne olardyń jańa baǵytta damýyna yqpal etedi.
Almatynyń Týrızm basqarmasy kreatıvti ındýstrıany damytýǵa, mádenı murany dáripteýge jáne halyqaralyq baılanysty nyǵaıtýǵa baǵyttalǵan jobalardy qoldaıdy. Osyndaı is-sharalardyń ótkizilýi Almatynyń halyqaralyq mádenı dıalog alańy retindegi bedelin arttyrýǵa da septigin tıgizedi.