Almatyda jalpy quny 142 mlrd teńge bolatyn 11 ınvestısıalyq joba qaraldy

Almaty qalasynyń ákimi Darhan Satybaldynyń tóraǵalyǵymen Óńirlik ınvestısıalyq shtabtyń XVII otyrysy ótti, - dep habarlaıdy alnews.

Jıynda jalpy quny 142 mlrd teńge bolatyn 11 ınvestısıalyq joba qaraldy. Olardy júzege asyrý nátıjesinde shamamen 950 jańa jumys ornyn ashý josparlanyp otyr.

Jobalar energetıka, ónerkásip jáne týrızm salalaryn qamtıdy. Atap aıtqanda, Túrksib aýdanynda qýaty 37 MVt jáne jylý óndirý kórsetkishi 43 Gkal bolatyn jylý elektr stansıasyn salý kózdelgen. Jańa stansıa aýdandaǵy turǵyn úıler men áleýmettik nysandardy jylý jáne elektr qýatymen turaqty qamtamasyz etýge múmkindik beredi.

Óndiris salasynda úsh joba usynyldy. Onyń biri Jetisý aýdanynda sýsyn óndiretin zaýyt salý. Qalǵan ekeýi Almatynyń Indýstrıalyq aımaǵynda júzege asyrylady. Olar sýdy tolyq sıklmen tazartý júıelerin óndiretin kásiporyn jáne talshyqty-optıkalyq kabel shyǵaratyn zaýyt.

Sonymen qatar kún tártibine qonaq úı ınfraqurylymyn damytýǵa baǵyttalǵan jeti joba engizildi. Olardyń qatarynda halyqaralyq brendtermen jumys isteıtin qonaq úıler de bar.

Jıyn sońynda Darhan Satybaldy tıisti basqarmalar men aýdan ákimderine jobalardy júzege asyrýda ınvestorlarǵa qajetti qoldaý kórsetýdi tapsyrdy. Sonymen birge barlyq bastamanyń zańnama talaptaryna sáıkes kelisý rásimderinen ótip, memlekettik saraptamanyń oń qorytyndysyn alýy qajettigin eskertti. Qala ákimdigi óz quzyreti sheńberinde ınvestorlarǵa qoldaý kórsetýge jáne týyndaǵan máselelerdi jedel sheshýge kómektesýge daıyn.

Aldyńǵy
V Almaty testırýıýt sıstemý ızmerenıa vybrosov avtomobıleı bez ıh ostanovkı
Kelesi
V Almaty rassmotrelı 11 ınvestısıonnyh proektov na 142 mlrd tenge

Sońǵy jańalyqtar:

İzdeý