Almatyda buryn bos jatqan aýmaqtardyń ornyna eki jańa demalys orny ashyldy

Almatynyń Túrksib aýdanynda buryn bos jatqan eki aýmaq kórkeıtilip, serýendeýge arnalǵan joly, jaryqtandyrý júıesi men jasyl jelegi bar jańa demalys oryndary ashyldy, - dep habarlaıdy alnews.

Bul jobalar «Halyq qatysatyn búdjet» baǵdarlamasy aıasynda Jas Qanat jáne Juldyz-1 shaǵynaýdandarynda júzege asyryldy. Bul týraly aýdan ákimdiginiń ókilderi habarlady.

Jobalardyń basty ereksheligi – buǵan deıin turǵyndardyń demalýyna arnalmaǵan aýmaqtardyń tolyqqandy qoǵamdyq keńistikke aınalýy. Buryn bos jatqan jerlerde júrginshiler joly tóselip, jaryqtandyrý júıesi ornatyldy, kógaldandyrylǵan aýmaqtar men belsendi demalys oryndary jasaldy.

Aýqymdy jumystar Jas Qanat shaǵynaýdanynda júrgizildi. Munda 20 myń sharshy metrden astam aýmaq kógaldandyrylyp, 6 myń sharshy metrge jýyq jerge trotýar plıtkasy tóseldi. Sonymen qatar asfált joldar men rezeńke jabyndysy bar alańdar jasaldy.

Turǵyndar úshin 53 jaryq baǵany, sándik jaryq qurylymy, oryndyqtar, qoqys jáshikteri men shaǵyn sáýlet nysandary ornatyldy. Budan bólek, skeıt-alań, pergolasy bar demalys orny jáne avtomatty sýarý júıesi jabdyqtaldy.

Juldyz-1 shaǵynaýdanynda buryn bos jatqan jerge 950 sharshy metr trotýar plıtkasy, 550 sharshy metr asfált jáne 298 sharshy metr tartan jabyndysy tóseldi. Jańa kógaldyń aýmaǵy 2 530 sharshy metr. Jasyl jelekti kútip-baptaý úshin avtomatty sýarý júıesi qarastyrylǵan.

Sondaı-aq aýmaqta jaryqtandyrý júıesi ornatylyp, pergola, oryndyqtar, qoqys jáshikteri men shaǵyn sáýlet nysandary qoıyldy.

Jalpy, Túrksib aýdanynda «Halyq qatysatyn búdjet» baǵdarlamasy aıasynda aýla, skver men basqa da qoǵamdyq aýmaqty kórkeıtýge baǵyttalǵan 24 joba maquldanǵan.

Aldyńǵy
GITEX AI Kazakhstan 2027 ýskorıt masshtabnoe vnedrenıe ıskýsstvennogo ıntellekta na fone mnogomıllıardnyh ınvestısıı v tehnologıı regıona
Kelesi
V Almaty na meste pýstyreı poıavılıs dve novye zony otdyha

Sońǵy jańalyqtar:

İzdeý