Almatyda áleýmettik mańyzy bar azyq-túlik ónimderiniń baǵasyn turaqtandyrý sharalary jalǵasyp keledi

Almatyda áleýmettik mańyzy bar azyq-túlik taýarlarynyń baǵasyn turaqtandyrý tetikterin iske asyrý aıasynda «Almaty» áleýmettik-kásipkerlik korporasıasy» AQ otandyq óndirýshilermen jáne qalanyń iri saýda jelilerimen kelisimshart jasasty, - dep habarlaıdy alnews.

Bul sharalar azyq-túlik baǵasynyń ósýin tejeýge baǵyttalǵan.

«Sary-Bulaq kompanıasy» JSHS qus fabrıkasymen 2027 jyldyń qazan aıyna deıin birinshi sanattaǵy 86,4 mln dana jumyrtqany óndirý jáne ótkizý boıynsha qaryz sharty jasalǵan. Bir jumyrtqanyń dúken sóresindegi baǵasy 59 teńgeden joǵary bolmaýǵa tıis. Ónimder «Magnum», «Small», «Astor» saýda jelilerinde, sondaı-aq «Alataý-Qus» fırmalyq dúkenderinde satylady.

Qus etiniń baǵasyn turaqtandyrý maqsatynda korporasıa otandyq óndirýshilermen de kelisimshart jasasty. «Alataý-Qus» AQ fırmalyq dúkenderinde taýyq sıraǵynyń bir kelisi 1 650 teńgeden satylýda. Al «Nauryz Agro KZ» kompanıasymen taýyqtyń san eti men jambas etiniń kóterme baǵasy kelisine 1 300 teńgeden jetkiziledi. «Magnum» saýda jelisinde bul ónimderdiń baǵasy saýda ústemesin 15%-dan asyrmaı, kelisine 1 495 teńgeden satyp jatyr. Baǵany turaqtandyrý sharalary «Alataý-Qus» ónimderi úshin 2027 jyly qarashaǵa deıin, al «Nauryz Agro KZ» ónimderi úshin 2027 jyly shildeniń ortasyna deıin jalǵasady. 

Sonymen qatar «Almatynan» nan-toqash kombınaty» JSHS-men birinshi surypty unnan daıyndalǵan 3 846 154 dana bólke nandy jetkizý jáne ótkizý týraly kelisim jasaldy. Ónimder «Magnum», «Small», «Jardi» saýda jelilerinde jáne úı mańyndaǵy dúkenderde satylady.

Budan bólek, «Almaty» ÁKK» AQ «Magnum» saýda jelisimen birlesip, jalpy kólemi 9 920 tonna kókónis ónimderiniń baǵasyn turaqtandyrý tetigin júzege asyryp jatyr. Onyń ishinde kartop, sábiz, pıaz jáne qyryqqabat bar. Kókónister belgilengen baǵamen satylady. Bul sharalar 2027 jylǵy sáýirdiń sońyna deıin jalǵasady.

Sondaı-aq «Almaty» ÁKK» AQ men «Magnum» arasynda áleýmettik mańyzy bar 11 túrli azyq-túlik taýarynyń baǵasyn turaqtandyrý jóninde jalpy kólemi 517 tonna ónimge qaryz sharty jasalǵan. Olardyń qatarynda qaraqumyq jarmasy, kúrish, makaron ónimderi, kúnbaǵys maıy, aıran, sary maı, sút, taýyq eti, sıyr eti, un jáne tuz bar. Baǵany turaqtandyrý sharalary 2027 jyly maýsymǵa deıin jalǵasady.

Sonymen birge ÁKK otandyq óndirýshilerden 4 500 tonna qant satyp alǵan. Ónimder «Magnum», «Small», «Toimart», «Stolıchnyı», «Iýbıleınyı» jáne basqa da saýda jelilerinde kelisi 405 teńgeden satylady. Saýda ústemesiniń mólsheri 10%-dan joǵary bolmaýǵa tıis. Qant baǵasyn turaqtandyrý sharalary 2027 jylǵy qarashaǵa deıin jalǵasady.

Baǵany turaqtandyrý maqsatynda «Almaty» ÁKK» AQ ár demalys saıyn qalanyń alty aýdanynda aýyl sharýashylyǵy jármeńkelerin ótkizedi:

* Bostandyq aýdany – Qazaqfılm shaǵynaýdany;
* Áýezov aýdany – Rysqulbekov kóshesi, 33/2;
* Medeý aýdany – Meńdiqulov pen Bekturov kósheleriniń qıylysy;
* Almaly aýdany – Masanchı kóshesi, Áıteke bı men Gogol kósheleriniń aralyǵy;
* Jetisý aýdany – Qulager shaǵynaýdany;
* Túrksib aýdany – Rysqulov pen Aıtyqov kósheleriniń qıylysy.

Jármeńkelerde áleýmettik mańyzy bar azyq-túlik taýarlary naryqtaǵy baǵadan tómen baǵamen satylady.

Baǵany turaqtandyrý sharalary, ónimderdiń bekitilgen baǵasy men olardy satatyn oryndardyń mekenjaılary týraly tolyq aqparatty almatyazyk.kz resmı saıtynan alýǵa bolady.

Aldyńǵy
V Almaty vpervye osvetılı dvýhkılometrovýıý dorogý mejdý mıkroraıonamı Kensaı ı Sýlýsaı
Kelesi
V Almaty prodoljaetsá realızasıa mer po stabılızasıı sen na sosıalno znachımye prodýkty

Sońǵy jańalyqtar:

İzdeý