Almaty Qytaıdyń iskerlik týrızm naryǵyndaǵy ornyn nyǵaıtyp keledi

Qala Qytaıdan keletin iskerlik saparlar sanyn arttyrýǵa, halyqaralyq kezdesýler men konferensıalardy Almatyda uıymdastyrýǵa basymdyq berip otyr, - dep habarlaıdy alnews.

Osy baǵyttaǵy jumystardyń biri Almatynyń 3-5 qarasha aralyǵynda Beıjińde ótken China International MICE Exchange (CIMX Beijing 2026) halyqaralyq kórmesine qatysýy. Halyqaralyq alańda Visit Almaty ókilderi qytaılyq týroperatorlarǵa, iskerlik is-sharalar men korporatıvtik saparlardy uıymdastyrýshylarǵa qalanyń týrısik múmkindikterin tanystyrdy.

Qytaı Almaty úshin týrısik áleýeti joǵary naryqtardyń biri sanalady. 2025 jyldyń qorytyndysy boıynsha qalaǵa QHR-dan 136 419 týrıs kelgen. Bul aldyńǵy jylmen salystyrǵanda 37,6%-ǵa kóp. Týrıser sanynyń ósýine Almaty men Qytaıdyń tórt iri qalasy – Beıjiń, Shanhaı, Gýanchjoý jáne Úrimji arasyndaǵy tikeleı áýe qatynasy da septigin tıgizip otyr.

Almatyǵa keletin týrıserdiń kóbeıýimen birge qalada halyqaralyq konferensıalar, korporatıvtik jıyndar men iskerlik kezdesýler ótkizý múmkindikteri de keńeıip keledi.

Almatynyń taǵy bir artyqshylyǵy – iskerlik sapardy demalyspen jáne saıahatpen ushtastyrýǵa bolady. Halyqaralyq is-sharalarǵa kelgen qonaqtar jumys kezdesýden bos ýaqytta taý kýrorttaryn aralap, qalanyń mádenıetimen, ulttyq taǵamdarymen jáne kórikti oryndarymen tanysa alady.

Kórme aıasynda Visit Almaty ókilderi Qytaıdyń týrısik naryǵyndaǵy ókildermen birlesken baǵdarlamalardy damytý, Almatyny korporatıvtik klıentter arasynda ilgeriletý jáne halyqaralyq is-sharalardy uıymdastyrý múmkindikterin keńeıtý máseleleri boıynsha kelissózder júrgizdi.

CIMX Beijing 2026 kórmesine 41 el men óńirden týrızm ındýstrıasynyń 3 000-nan astam ókili qatysyp, týrısik baǵytyn kásibı qaýymdastyqqa tanystyrýǵa múmkindik aldy.

Bul jumystar Almatyǵa Qytaıdan keletin týrıser sanyn kóbeıtýge, iskerlik saparlar aıasyn keńeıtýge jáne qalanyń týrısik áleýetine degen qyzyǵýshylyqty arttyrýǵa yqpal etedi.

Aldyńǵy
V Almaty ýchenye ız raznyh stran obsýjdaıýt vlıanıe ıskýsstvennogo ıntellekta na obrazovanıe ı býdýshee molodejı
Kelesi
Almaty rasshıráet prısýtstvıe na kıtaıskom rynke delovogo týrızma

Sońǵy jańalyqtar:

İzdeý