Almaty Ońtústik Koreıanyń iskerlik týrızm naryǵyna qadam basyp jatyr

Almaty 17-19 qarasha aralyǵynda Seýlde ótip jatqan iskerlik týrızm ındýstrıasynyń halyqaralyq Korea MICE Expo 2026 kórmesinde áleýetin tanystyryp jatyr, - dep habarlaıdy alnews.

Almaty Tourism Bureau halyqaralyq qatysýshylardy qalada konferensıalar, kórmeler, korporatıvtik is-sharalar ótkizý jáne yntalandyrý saparlaryn uıymdastyrý múmkindikterin usynyp otyr.

Kórme aıasynda Ońtústik Koreıanyń týrısik kompanıalarymen, MICE agenttikterimen jáne korporatıvtik tapsyrys berýshilermen B2B kelissóz júrgizilip jatyr. Kelissózder Almatyǵa iskerlik saparlar uıymdastyrý, halyqaralyq is-sharalardy ótkizý jáne ortaq týrısik baǵdarlamalardy ázirleý máselelerine baǵyttalǵan.

Bıylǵy Korea MICE Expo kórmesine 12 elden 311 uıym men kompanıa qatysqan. Bul halyqaralyq deńgeıde iskerlik baılanys ornatyp, jańa seriktestikterge jol ashatyn mańyzdy alań sanalady.

Almatynyń basty artyqshylyqtarynyń biri – iskerlik is-sharalardy týrısik demalyspen qatar uıymdastyrý múmkindigi. Qaladaǵy zamanaýı qonaq úıler, halyqaralyq jıyndar men kórmelerge arnalǵan alańdar, gastronomıa jáne mádenı orta, sondaı-aq taýdyń jaqyn ornalasýy sheteldik qonaqtarǵa mazmundy demalys usynýǵa múmkindik beredi.

Ońtústik Koreıa – Almatyǵa týrıser kóp keletin negizgi elderdiń biri. 2025 jyly Koreıa Respýblıkasynan qalaǵa 23,2 myń adam kelgen. Bul 2024 jylmen salystyrǵanda 15,3%-ǵa joǵary. Koreıalyq týrıser qyzyǵýshylyǵynyń artýy Almatynyń iskerlik týrızmin damytýǵa, korporatıvtik toptardy tartýǵa jáne halyqaralyq áriptestikti keńeıtýge jol ashady.

Aldyńǵy
V Almaty proıdet tematıcheskaıa ıarmarka «Soǵym FEST»
Kelesi
Almaty vyhodıt na rynok delovogo týrızma Iýjnoı Koreı

Sońǵy jańalyqtar:

İzdeý