Euronews حالىقارالىق باسىلىمى الماتىنى قالانىڭ باستى سيمۆولدارىنىڭ ءبىرى – المانىڭ تاريحى ارقىلى جاھاندىق اۋديتورياعا تانىستىردى. بۇل تۋرالى الماتى قالاسى تۋريزم باسقارماسىنىڭ وكىلدەرى ايتتى.
Euronews – ەۋروپاداعى ەڭ ءىرى حالىقارالىق جاڭالىقتار برەندتەرىنىڭ ءبىرى. مەدياجەلىنىڭ كونتەنتى 160 ەلدە قولجەتىمدى، ال تەلەديدار، سيفرلىق پلاتفورمالار مەن ينتەرنەتكە قوسىلعان قۇرىلعىلارداعى اي سايىنعى اۋديتورياسى 400 ملن-نان اسادى. 2025 جىلدىڭ وزىندە Euronews كونتەنتى 1،83 ملرد بەينەقارالىم جانە شامامەن 1،4 ملرد بەت قارالىمىن جيناعان.
جاريالانىمدا الماتى تاريحى، تابيعي مۇراسى، گاسترونومياسى مەن زاماناۋي مادەنيەتى توعىسقان تۋريستىك باعىت رەتىندە سيپاتتالعان.
ماتەريالدا قالا ماڭىنداعى الما باقتارى، الماتى اپورتى جانە جىل سايىن وتەتىن Alma Fest فەستيۆالى تۋرالى ايتىلادى. بيىل فەستيۆال اياسىندا 200 توننادان استام الما ۇسىنىلعان.
اۋديتورياسى كەڭ حالىقارالىق الاڭداعى جاريالانىم الماتىنى شەتەلدە ىلگەرىلەتۋگە جانە قالانىڭ تۋريستىك باعىت رەتىندەگى تانىمالدىعىن ارتتىرۋعا ىقپال ەتەدى.
شەتەلدىك تۋريستەر ءۇشىن الماتى الماسىنىڭ تاريحى قالامەن، ونىڭ مادەنيەتىمەن جانە تابيعي مۇراسىمەن تانىسۋعا تاعى ءبىر سەبەپ بولماق.
دەرەككوز: https://www.euronews.com/2026/10/05/is-kazakhstan-the-birthplace-of-apples-heres-how-the-fruit-spread-across-the-world
