الماتىدا جالپى قۇنى 142 ملرد تەڭگە بولاتىن 11 ينۆەستيسيالىق جوبا قارالدى

الماتى قالاسىنىڭ اكىمى دارحان ساتىبالدىنىڭ توراعالىعىمەن وڭىرلىك ينۆەستيسيالىق شتابتىڭ XVII وتىرىسى ءوتتى، - دەپ حابارلايدى alnews.

جيىندا جالپى قۇنى 142 ملرد تەڭگە بولاتىن 11 ينۆەستيسيالىق جوبا قارالدى. ولاردى جۇزەگە اسىرۋ ناتيجەسىندە شامامەن 950 جاڭا جۇمىس ورنىن اشۋ جوسپارلانىپ وتىر.

جوبالار ەنەرگەتيكا، ونەركاسىپ جانە تۋريزم سالالارىن قامتيدى. اتاپ ايتقاندا، تۇركسىب اۋدانىندا قۋاتى 37 مۆت جانە جىلۋ ءوندىرۋ كورسەتكىشى 43 گكال بولاتىن جىلۋ ەلەكتر ستانسياسىن سالۋ كوزدەلگەن. جاڭا ستانسيا اۋدانداعى تۇرعىن ۇيلەر مەن الەۋمەتتىك نىسانداردى جىلۋ جانە ەلەكتر قۋاتىمەن تۇراقتى قامتاماسىز ەتۋگە مۇمكىندىك بەرەدى.

ءوندىرىس سالاسىندا ءۇش جوبا ۇسىنىلدى. ونىڭ ءبىرى جەتىسۋ اۋدانىندا سۋسىن وندىرەتىن زاۋىت سالۋ. قالعان ەكەۋى الماتىنىڭ يندۋستريالىق ايماعىندا جۇزەگە اسىرىلادى. ولار سۋدى تولىق سيكلمەن تازارتۋ جۇيەلەرىن وندىرەتىن كاسىپورىن جانە تالشىقتى-وپتيكالىق كابەل شىعاراتىن زاۋىت.

سونىمەن قاتار كۇن تارتىبىنە قوناق ءۇي ينفراقۇرىلىمىن دامىتۋعا باعىتتالعان جەتى جوبا ەنگىزىلدى. ولاردىڭ قاتارىندا حالىقارالىق برەندتەرمەن جۇمىس ىستەيتىن قوناق ۇيلەر دە بار.

جيىن سوڭىندا دارحان ساتىبالدى ءتيىستى باسقارمالار مەن اۋدان اكىمدەرىنە جوبالاردى جۇزەگە اسىرۋدا ينۆەستورلارعا قاجەتتى قولداۋ كورسەتۋدى تاپسىردى. سونىمەن بىرگە بارلىق باستامانىڭ زاڭناما تالاپتارىنا سايكەس كەلىسۋ راسىمدەرىنەن ءوتىپ، مەملەكەتتىك ساراپتامانىڭ وڭ قورىتىندىسىن الۋى قاجەتتىگىن ەسكەرتتى. قالا اكىمدىگى ءوز قۇزىرەتى شەڭبەرىندە ينۆەستورلارعا قولداۋ كورسەتۋگە جانە تۋىنداعان ماسەلەلەردى جەدەل شەشۋگە كومەكتەسۋگە دايىن.

الدىڭعى
ۆ الماتى تەستيرۋيۋت سيستەمۋ يزمەرەنيا ۆىبروسوۆ اۆتوموبيلەي بەز يح وستانوۆكي
كەلەسى
ۆ الماتى راسسموترەلي 11 ينۆەستيسيوننىح پروەكتوۆ نا 142 ملرد تەنگە

سوڭعى جاڭالىقتار:

ىزدەۋ