الماتى وڭتۇستىك كورەيانىڭ ىسكەرلىك تۋريزم نارىعىنا قادام باسىپ جاتىر

الماتى 17-19 قاراشا ارالىعىندا سەۋلدە ءوتىپ جاتقان ىسكەرلىك تۋريزم يندۋسترياسىنىڭ حالىقارالىق Korea MICE Expo 2026 كورمەسىندە الەۋەتىن تانىستىرىپ جاتىر، - دەپ حابارلايدى alnews.

Almaty Tourism Bureau حالىقارالىق قاتىسۋشىلاردى قالادا كونفەرەنسيالار، كورمەلەر، كورپوراتيۆتىك ءىس-شارالار وتكىزۋ جانە ىنتالاندىرۋ ساپارلارىن ۇيىمداستىرۋ مۇمكىندىكتەرىن ۇسىنىپ وتىر.

كورمە اياسىندا وڭتۇستىك كورەيانىڭ تۋريستىك كومپانيالارىمەن، MICE اگەنتتىكتەرىمەن جانە كورپوراتيۆتىك تاپسىرىس بەرۋشىلەرمەن B2B كەلىسسوز جۇرگىزىلىپ جاتىر. كەلىسسوزدەر الماتىعا ىسكەرلىك ساپارلار ۇيىمداستىرۋ، حالىقارالىق ءىس-شارالاردى وتكىزۋ جانە ورتاق تۋريستىك باعدارلامالاردى ازىرلەۋ ماسەلەلەرىنە باعىتتالعان.

بيىلعى Korea MICE Expo كورمەسىنە 12 ەلدەن 311 ۇيىم مەن كومپانيا قاتىسقان. بۇل حالىقارالىق دەڭگەيدە ىسكەرلىك بايلانىس ورناتىپ، جاڭا سەرىكتەستىكتەرگە جول اشاتىن ماڭىزدى الاڭ سانالادى.

الماتىنىڭ باستى ارتىقشىلىقتارىنىڭ ءبىرى – ىسكەرلىك ءىس-شارالاردى تۋريستىك دەمالىسپەن قاتار ۇيىمداستىرۋ مۇمكىندىگى. قالاداعى زاماناۋي قوناق ۇيلەر، حالىقارالىق جيىندار مەن كورمەلەرگە ارنالعان الاڭدار، گاسترونوميا جانە مادەني ورتا، سونداي-اق تاۋدىڭ جاقىن ورنالاسۋى شەتەلدىك قوناقتارعا مازمۇندى دەمالىس ۇسىنۋعا مۇمكىندىك بەرەدى.

وڭتۇستىك كورەيا – الماتىعا تۋريستەر كوپ كەلەتىن نەگىزگى ەلدەردىڭ ءبىرى. 2025 جىلى كورەيا رەسپۋبليكاسىنان قالاعا 23،2 مىڭ ادام كەلگەن. بۇل 2024 جىلمەن سالىستىرعاندا 15،3%-عا جوعارى. كورەيالىق تۋريستەر قىزىعۋشىلىعىنىڭ ارتۋى الماتىنىڭ ىسكەرلىك ءتۋريزمىن دامىتۋعا، كورپوراتيۆتىك توپتاردى تارتۋعا جانە حالىقارالىق ارىپتەستىكتى كەڭەيتۋگە جول اشادى.

الدىڭعى
ۆ الماتى پرويدەت تەماتيچەسكايا يارماركا «سوعىم FEST»
كەلەسى
الماتى ۆىحوديت نا رىنوك دەلوۆوگو تۋريزما يۋجنوي كورەي

سوڭعى جاڭالىقتار:

ىزدەۋ