2026 جىلى 21-22 قاراشادا الماتى قالاسىندا شيەۆچەنكو كوشەسىنىڭ پۋشكين جانە قونايەۆ كوشەلەرى ارالىعىندا شىعىس قازاقستان، الماتى، جامبىل جانە اباي وبلىستارىنىڭ تاۋار وندىرۋشىلەرى قاتىساتىن ەت ونىمدەرىنىڭ تاقىرىپتىق جارمەڭكەسى وتەدى، - دەپ حابارلايدى alnews.
جارمەڭكەدە 100 توننادان استام ەت ءونىمى، سونداي-اق 50 توننا اۋىل شارۋاشىلىعى ءونىمى، ونىڭ ىشىندە كوكونىستەر، ءسۇت جانە بالىق ونىمدەرى، شۇجىق ونىمدەرى مەن بال ۇسىنىلادى.
جارمەڭكە الماتى تۇرعىندارىنا ەلىمىزدە وندىرىلگەن تابيعي ءارى ساپالى ونىمدەردى نارىق باعاسىنان 10-15%-عا تومەن باعامەن ساتىپ الۋعا مۇمكىندىك بەرەدى.
ءىس-شارا قالانىڭ ازىق-تۇلىك قاۋىپسىزدىگىن قامتاماسىز ەتۋ، سونداي-اق وتاندىق وندىرۋشىلەردەن تۇتىنۋشىلارعا اۋىل شارۋاشىلىعى ونىمدەرىن تىكەلەي جەتكىزۋ جۇيەسىن دامىتۋ جونىندەگى جۇمىستار اياسىندا ۇيىمداستىرىلىپ وتىر.
جارمەڭكە ەكى كۇن بويى ساعات 08:00-دەن 18:00-گە دەيىن وتەدى.