بۇدان بۇرىن بەيجىڭگە رەسەي سىرتقى ىستەر ءمينيسترى سەرگەي لاۆروۆ قىسقا ۋاقىتتىق ساپارمەن بارىپ قايتقان. ءساۋىردىڭ باس شەنىندە اقش-تىڭ قارجى ءمينيسترى دجانەت يەللەن قىتايعا ەكىنشى ساپارىن اياقتادى. بۇل بارىستا ول قىتايدىڭ جوعارى لاۋازىمدى جەتەكشىلەرىمەن سانكسيا ماسەلەلەرى بويىنشا سويلەسكەن.
ال بلينكەن ساپارى بەيجىڭنىڭ ۋكراينا ماسەلەسىندە شەشۋشى تاڭداۋ جاساۋعا شاقىرۋ ءۇشىن جاسالدى دەپ تۇسىنۋگە بولادى. بلينكەننىڭ بەيجىڭدە ايتقان: “ەگەر جۇڭگو رەسەيگە كومەك كورسەتۋ ماسەلەسىندە شەشىم قابىلداماسا، وندا ول شەشىمدى ۆاشينگتون قابىلدايدى” دەگە ءسوزى ءقازىر قىزۋ تالقىدا تۇر.
وسىدان كەيىن بلينكەن ساپارى قارساڭىندا قىتايلىق اقپارات كەڭىستىگىندە ۇلتشىل، سولشىل ساراپشىلاردىڭ مىسقىل مەن كەكەسىندى مولايتۋىنىڭ سەبەبىن تۇسىنۋگە بولادى. بىلايشا ايتقاندا بلينكەن كەزەكتى جولى قىتايعا سالماقتى ماسەلەرلەرمەن كەلدى. رەسەيمەن قارىم-قاتىناس الدىندا قىتايعا تاڭداۋ جاساۋ قيىنعا سوعۋدا. سوندىقتان بلينكەننىڭ ءۋاجىن تىڭداعىسى كەلمەگەن تاراپ وعان ءتۇرلى ديپلوماتيالىق سيگنالدار ارقىلى قىسىم جاراتتى.
بەيجىڭدەگى جۇڭگو سىرتقى ىستەر ۋنيۆەرسيتەتىنىڭ پروفەسسورى لي حايدۋن باق-قا مىناداي پىكىرىمەن ءبولىسىپتى: «ءبىز اقش شەنەۋنىكتەرىنىڭ قىتايمەن بايلانىستى قاتىناستى جاقسارتۋ ءۇشىن كەلۋىن قۇپتايمىز. ءبىراق بلينكەن قىتايعا ۋلتيماتۋم قويۋ ءۇشىن كەلگەن سىڭايلى. ءبىز وعان بەرىلمەيمىز جانە نەگىزگى ماسەلەلەرىمىزدە ىمىراعا كەلمەيمىز». بۇل پىكىردەن بەيجىڭنىڭ بلينكەن ساپارىنا قاراتقان كوزقاراسى اڭعارىلادى.
26 ساۋىردە بلينكەن جۇڭگو باسشىسى سي ءسزينپيننىڭ قابىلداۋىندا بولدى جانە ءسىم جەتەكشىسى ۆان يمەن كەزدەستى. ۆان ي قۇراما شتاتتاردى قىتايدىڭ دامۋىنا توسقاۋىل قويىپ وتىر دەپ ايىپتاسا، بلينكەن قىتايدى رەسەيدىڭ ۋكراينداعى سوعىسىن اشىق قولدادى دەپ سىنعا الدى. پىكىر كەرەعارلىعان قاراپ اقش-قىتاي قارىم-قاتىناسى ءتىپتى دە تەرەڭ قايشىلىققا ۇلاسقانىن اڭعارۋعا بولادى.
