جەتىسۋ اۋدانى اكىمى اپپاراتىنىڭ تاپسىرىسى بويىنشا اعىمداعى جوندەۋ اياسىندا «اربات» جۇرگىنشىلەر ايماعى مەن اينابۇلاق شاعىناۋدانىنداعى ماقاتايەۆ كوشەسىندەگى جۇرگىنشىلەر جولى تولىق كوركەيتىلدى، - دەپ حابارلايدى alnews.
جۇمىس رەسپۋبليكا كۇنىنە دەيىن اياقتالىپ، اۋدان تۇرعىندارىنا جاسالعان سىي ءارى قالالىق ورتانى جاڭعىرتۋدىڭ ءبىر كورىنىسى بولدى.
جوبا اياسىندا تۇرعىندارعا قولايلى ورتا قالىپتاستىرۋ جانە قوعامدىق كەڭىستىكتى جاڭارتۋ بويىنشا كەشەندى جۇمىس جۇرگىزىلدى. اتاپ ايتقاندا: اۋماعى 9،5 مىڭ م² جاڭا كەسپە تاس توسەلدى، 266 زاماناۋي شام تىرەگى ورناتىلدى، 14،9 مىڭ م² اۋماققا كوگال توسەلىپ، ۇزىندىعى 7،7 كم اۆتوسۋارۋ جۇيەسى جۇرگىزىلدى، بالالار الاڭى سالىندى، 6 جاڭا ايالداما كەشەنى ورناتىلدى، 25 قوقىس جاشىگى، 40 ورىندىق، 24 ۆازون قويىلدى، 8 شەكتەۋ باعانى ورناتىلىپ، 274 پ.م. جاسىل ايماق قورشاۋى ورناتىلدى.
سونىمەن قاتار جۇرگىنشىلەر ايماعىندا ەرەكشە ارت-نىساندار پايدا بولدى — كيىز ءۇي پىشىنىندەگى ساندىك اركا جانە شاعىناۋدان اتاۋى جازىلعان ينستاللياسيا. بالالار ءۇشىن جارقىن ديزاينداعى پيكسەل-الاڭشا جاسالىپ، وتباسىلىق دەمالىستىڭ جاڭا تارتىمدى ورنىنا اينالدى.
جوبانىڭ جۇزەگە اسىرىلۋى اۋدانداعى قالالىق ورتانىڭ ساپاسىن ارتتىرۋعا، اۋماقتىڭ ەستەتيكالىق كەلبەتىن جاقسارتۋعا جانە تۇرعىندار ءۇشىن قولايلى ينفراقۇرىلىم قالىپتاستىرۋعا باعىتتالعان.
