الماتى قالاسى جاستار ساياساتى باسقارماسى مەن توتەنشە جاعدايلار دەپارتامەنتى بىرلەسە وتىرىپ، جاستار اراسىندا سەيسميكالىق قاۋىپسىزدىك مادەنيەتىن قالىپتاستىرۋعا باعىتتالعان كەشەندى اقپاراتتىق شارالاردى جۇيەلى تۇردە وتكىزىپ كەلەدى.
جاڭا وقۋ جىلى اياسىندا جوعارى وقۋ ورىندارىنىڭ ستۋدەنتتەرىنە جەر سىلكىنىسى، تابيعي اپاتتار مەن توتەنشە جاعدايلار كەزىندە ءوزىن-وزى ۇستاۋ ەرەجەلەرى جانە قاۋىپسىزدىك الگوريتمدەرى كەڭىنەن تۇسىندىرىلۋدە. سونىمەن قاتار، ءورت قاۋىپسىزدىگى، العاشقى مەديسينالىق كومەك كورسەتۋ، زارداپ شەككەندەرگە پسيحولوگيالىق قولداۋ كورسەتۋ سىندى ومىرلىك ماڭىزى بار تاقىرىپتار دا قامتىلۋدا.
شارانىڭ نەگىزگى ماقساتى — جاستاردىڭ داعدارىس ساتىندە سابىر ساقتاپ، دۇرىس شەشىم قابىلداۋىنا، ءتيىمدى ارەكەت ەتۋىنە ىقپال ەتۋ. الماتى سەيسميكالىق تۇرعىدان اسا كۇردەلى ايماق بولعاندىقتان، ءاربىر ازاماتتىڭ، اسىرەسە جاستاردىڭ، توتەنشە جاعدايدا ءوز ءومىرىن قورعاپ، وزگەلەرگە كومەك كورسەتە ءبىلۋى قوعام قاۋىپسىزدىگى ءۇشىن ەرەكشە ماڭىزدى.
توتەنشە جاعدايلاردا ارەكەت ەتۋ: الماتىلىق ستۋدەنتتەرگە سەيسميكالىق قاۋىپسىزدىك نەگىزدەرى ۇيرەتىلۋدە
