سونىمەن اقش پرەزيدەنتى جو بايدەن كەلەسى 4 زاڭعا قول قويدى:
- ۋكرايناعا 61 ملرد اقش دوللارىنا جۋىق كومەك بەرۋ.
- يزرايلگە 26،38 ملرد اقش دوللارى كولەمىندە كومەك بەرۋ.
- ءۇندى-تىنىق مۇحيتى ايماعىنداعى تايۆان جانە وزگە دە وداقتاس ەلدەرگە 8،12 ملرد اقش دوللارىن ءبولۋ.
- «XXI عاسىردا كۇش ارقىلى بەيبىتشىلىككە قول جەتكىزۋ» اتتى ۇلتتىق قاۋىپسىزدىك تۋرالى زاڭ.
ءبىز نازار اۋدارۋىمىز ءتيىس قۇجات «XXI عاسىردا كۇش ارقىلى بەيبىتشىلىككە قول جەتكىزۋ» زاڭى. وندا قىتايلىق الەۋمەتتىك جەلى Tiktok-تى شەكتەۋ، يرانعا قارسى سانكسيالاردى ۇدەتە ءتۇسۋ سياقتى ساياسي شارالار قامتىلعان. سونىمەن قاتار، فەنتانيل، كاپتاگون سياقتى ەسىرتكى تۇرلەرىمەن كۇرەسۋدى ماقسات ەتىپ قويعان.
قابىلدانعان زاڭداردان قانداي قورىتىندى شىعارۋعا بولادى؟
- سىرتقى ساياسي باعدار وزگەرمەيدى. بيىل 5 قاراشادا سايلاۋدا كىم جەڭسە دە گەوساياسي ماقساتتار جۇزەگە اسا بەرمەك.
- قابىلدانعان 4 زاڭ ءبىرتۇتاس ماقساتقا يە دەپ تۇسىنگەن ءجون. ءبارى دە سىرتقى ساياسي باعداردى ايقىندايدى.
- ۆاشينگتوننىڭ باستى گەوستراتەگيالىق قارسىلاستارى رەسەي، جۇڭگو جانە يران، سونىمەن قاتار باستى ايماق تاياۋ شىعىس بولىپ قالا بەرەدى.
- اقش الداعى ۋاقىتتا دا زاڭسىز ەسىرتكى ساۋداسىمەن كۇرەسە بەرمەك.
