2026 جىلدىڭ باسىنان بەرى «بەلسەندى ۇزاق ءومىر ءسۇرۋ» جوباسى اياسىندا قالالىق بەلسەندى ۇزاق ءومىر ءسۇرۋ ورتالىعى زەينەتكەرلەرگە 38 مىڭنان استام قىزمەت كورسەتتى. بۇل تۋرالى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ وكىلدەرى حابارلادى.
جوبا قالادا 2022 جىلدان بەرى جۇزەگە اسىرىلىپ كەلەدى. ونىڭ نەگىزگى ماقساتى – اعا بۋىن وكىلدەرىن قولداۋ، ولاردىڭ قوعامدىق ومىرگە بەلسەندى ارالاسۋىنا جاعداي جاساۋ جانە بوس ۋاقىتىن ءتيىمدى ۇيىمداستىرۋ.
الماتىدا «التىن جاس» باعدارلاماسى دا جۇمىس ىستەيدى. 2026 جىلى باعدارلاما اياسىندا 157 ۇيىمعا 391 زەينەتكەر جۇمىسقا ورنالاستىرىلدى.
ارداگەرلەر ۇيىمدارىنا قولداۋ كورسەتۋ جۇمىستارى دا جالعاسىپ كەلەدى. مەملەكەتتىك الەۋمەتتىك تاپسىرىس اياسىندا ارداگەرلەرگە ارنالعان ءۇش جىلدىق جوبا جۇزەگە اسىرىلىپ جاتىر.
الەۋمەتتىك قولداۋدىڭ تاعى ءبىر باعىتى – ساناتوريي-كۋرورتتىق ەم الۋ. بيىل وسى مۇمكىندىكتى ەرەكشە كومەككە مۇقتاج 472 زەينەتكەر پايدالاندى.
باسقارما مالىمەتىنشە، الماتىدا 1 قازاندا اتاپ وتىلەتىن حالىقارالىق قارتتار كۇنىنە ارنالعان ايلىق ءوتىپ جاتىر. قالانىڭ بارلىق اۋدانىندا مادەني جانە سپورتتىق ءىس-شارالار، سونداي-اق جاستارمەن كەزدەسۋلەر ۇيىمداستىرۋ جوسپارلانعان.
