الماتىدا 9 قازاننان باستاپ 2026-2027 جىلدارداعى جىلىتۋ ماۋسىمى باستالادى، - دەپ حابارلايدى alnews.
جىلۋ كەزەڭ-كەزەڭىمەن بەرىلەدى. الدىمەن الەۋمەتتىك ماڭىزى بار نىساندار، ودان كەيىن كوپپاتەرلى تۇرعىن ۇيلەر مەن باسقا دا عيماراتتار جىلۋ جۇيەسىنە قوسىلادى. بۇل تۋرالى الماتىنىڭ كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسىنىڭ وكىلدەرى حابارلادى.
جىلىتۋ ماۋسىمىنىڭ باستالۋىنا بايلانىستى قالانىڭ بارلىق سەگىز اۋدانىندا جاۋاپتى ماماندار بەكىتىلدى. تۇرعىندار جىلۋعا قوسىلۋ جانە جىلۋ جۇيەسىندە تۋىنداعان اقاۋلار بويىنشا سول ماماندارعا حابارلاسا الادى.
اۋداندار بويىنشا بايلانىس تەلەفوندارى:
* الاتاۋ اۋدانى — +7 701 822 57 89؛
* المالى اۋدانى — +7 778 200 21 21؛
* اۋەزوۆ اۋدانى — +7 705 555 90 92؛
* بوستاندىق اۋدانى — +7 701 232 04 85؛
* جەتىسۋ اۋدانى — +7 700 815 10 90؛
* مەدەۋ اۋدانى — +7 777 387 37 99؛
* ناۋرىزباي اۋدانى — +7 707 199 90 09؛
* تۇركسىب اۋدانى — +7 707 322 50 04.
سونىمەن قاتار قالادا جەدەل ارەكەت ەتۋ شتابى تاۋلىك بويى جۇمىس ىستەيدى. جىلۋ بەرىلمەگەن، قۇبىرلاردان سۋ اققان نەمەسە باسقا دا اقاۋلار تۋىنداعان جاعدايدا تۇرعىندار تومەندەگى بايلانىس نومىرلەرىنە حابارلاسا الادى:
* Jedel Almaty — 109؛
* ءبىرىڭعاي ديسپەچەرلىك ورتالىق — 225-14-31؛
* كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسى — +7 747 132 23 52، +7 707 018 08 46؛
* Open Almaty — 1308 جانە 8 (727) 338-33-88.
مامانداردىڭ مالىمەتىنشە، جىلىتۋ ماۋسىمىنىڭ العاشقى كۇندەرى جۇيەلەردى ىسكە قوسۋ، باپتاۋ جانە رەتتەۋ جۇمىستارى جۇرگىزىلەدى. سوندىقتان وسى كەزەڭدە جىلۋ بەرۋدە ۋاقىتشا ىركىلىستەر بولۋى مۇمكىن.
تۇرعىندارعا رادياتورلاردىڭ، شۇمەكتەر مەن ۆەنتيلدەردىڭ جارامدىلىعىن الدىن الا تەكسەرۋ، جىلۋ جۇيەسىنە ءوز بەتىنشە وزگەرىس ەنگىزبەۋ، سونداي-اق تىك قۇبىرلار مەن جىلىتۋ قۇرىلعىلارىنا كەدەرگىسىز قول جەتكىزۋدى قامتاماسىز ەتۋ ۇسىنىلادى.
بۇدان بولەك، تۇرعىندار ءوتىنىشىن كوپپاتەرلى تۇرعىن ۇيلەرگە قىزمەت كورسەتەتىن ۇيىمدار، باسقارمانىڭ الەۋمەتتىك جەلىلەردەگى رەسمي پاراقشالارى جانە e-Otinish پلاتفورماسى ارقىلى دا جولداي الادى.
