الماتىدا جىل سوڭىنا دەيىن شۇعىلا جانە التاي-1 شاعىناۋداندارىندا، سونداي-اق المالى اۋدانىنداعى ايتەكە بي كوشەسىندە ءۇش جاڭا ەمحانانىڭ قۇرىلىسىن اياقتاۋ جوسپارلانعان، - دەپ حابارلايدى alnews.
ءارقايسىسى ءبىر اۋىسىمدا 500 ادامعا دەيىن قابىلداي الادى. بۇل تۋرالى الماتى قالاسى قۇرىلىس باسقارماسىنىڭ وكىلدەرى ايتتى.
جاڭا نىساندار تۇرعىنداردىڭ مەديسينالىق كومەككە قولجەتىمدىلىگىن ارتتىرىپ، قولدانىستاعى ەمحانالارعا تۇسەتىن جۇكتەمەنى ازايتادى.
ناۋرىزباي اۋدانىنداعى شۇعىلا شاعىناۋدانىندا سالىنىپ جاتقان ەمحانانىڭ اۋماعى 12 مىڭ شارشى مەتردەن اسادى. مەديسينالىق مەكەمە ەكى اۋىسىمدا جۇمىس ىستەپ، كۇنىنە مىڭ ادامعا دەيىن قابىلدايدى.
مۇندا ەرەسەكتەر جانە بالالار بولىمشەسى، ايەلدەر كونسۋلتاسياسى، كلينيكالىق-دياگنوستيكالىق زەرتحانا، فۋنكسيونالدىق دياگنوستيكا جانە مەديسينالىق وڭالتۋ بولىمشەلەرى ورنالاسادى. سونداي-اق، 26 ورىندىق كۇندىزگى ستاسيونار مەن امبۋلاتوريالىق حيرۋرگيا ورتالىعى جۇمىس ىستەيدى.
تاعى ءبىر ەمحانا المالى اۋدانىنداعى ايتەكە بي كوشەسىندە سالىنىپ جاتىر. اۋماعى 8 مىڭ شارشى مەتردەن اساتىن بەس قاباتتى عيمارات شامامەن 30 مىڭ تىركەلگەن تۇرعىنعا قىزمەت كورسەتۋگە ەسەپتەلگەن.
ەمحانادا تەراپيا جانە پەدياتريا بولىمشەلەرى، جالپى پراكتيكا دارىگەرلەرى، ايەلدەر كونسۋلتاسياسى، امبۋلاتوريالىق حيرۋرگيا ورتالىعى جانە كۇندىزگى ستاسيونار جۇمىس ىستەيدى. سونىمەن قاتار تۇرعىندارعا مەديسينالىق وڭالتۋ، ستوماتولوگيا، وفتالمولوگيا، وتورينولارينگولوگيا جانە ونكولوگيا باعىتتارى بويىنشا قىزمەت كورسەتىلەدى.
ءۇشىنشى ەمحانا تۇركسىب اۋدانىنداعى التاي-1 شاعىناۋدانىندا بوي كوتەرىپ جاتىر. اۋماعى شامامەن 10 مىڭ شارشى مەتر بولاتىن نىسان ەكى اۋىسىمدا جۇمىس ىستەپ، تاۋلىگىنە مىڭ ناۋقاسقا دەيىن قابىلداي الادى.
مۇندا جالپى پراكتيكا دارىگەرلەرى مەن ءتيىستى مامانداردىڭ كابينەتتەرى ورنالاسقان وتباسىلىق دەنساۋلىق ورتالىعى جۇمىس ىستەيدى. بۇدان بولەك، جاستار دەنساۋلىق ورتالىعى، پروفيلاكتيكا جانە الەۋمەتتىك-پسيحولوگيالىق كومەك بولىمشەسى، سونداي-اق كۇندىزگى ستاسيونار قاراستىرىلعان.
ءۇش نىساندا دا ناۋقاستار سانىن ءبولۋ، جەكە كىرەبەرىس، سونداي-اق ەرەكشە قاجەتتىلىگى بار ادامدارعا ارنالعان جەدەلساتى مەن پاندۋس بولادى.
