الماتىدا Infinity Chess Cup Almaty 2026 ينكليۋزيۆتى شاحمات ءتۋرنيرى ءوتتى، - دەپ حابارلايدى alnews.
جارىسقا ەستۋ جانە كورۋ قابىلەتى بۇزىلعان، سونداي-اق تىرەك-قيمىل اپپاراتى زاقىمدانعان شاحماتشىلار قاتىستى. بۇل تۋرالى الماتىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ وكىلدەرى حابارلادى.
سايىس شۆەيساريالىق جۇيە بويىنشا جەتى تۋردان تۇردى. ويىن ناتيجەلەرى فيدە رەيتينگىن ەسەپتەۋ كەزىندە ەسكەرىلدى. جالپى جۇلدە قورى 1 ملن تەڭگە.
جارىسقا تاجىريبەسى مەن دايىندىق دەڭگەيى ءارتۇرلى شاحماتشىلار قاتىسىپ، ءوزارا ب ا ق سىنادى. تۋرنير قاتىسۋشىلارعا شەبەرلىگىن كورسەتۋگە، تاجىريبە جيناۋعا جانە باسەكەلى ورتادا ويناۋعا مۇمكىندىك بەردى.
Infinity Chess Cup Almaty 2026 ءتۋرنيرى الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى، قازاقستان شاحمات فەدەراسياسى جانە Funduk Life قورىنىڭ قاتىسۋىمەن ۇيىمداستىرىلدى.
تۋرنير ينكليۋزيۆتى سپورتتى دامىتۋ جانە ەرەكشە قاجەتتىلىگى بار ادامداردىڭ قالانىڭ سپورتتىق ومىرىنە قاتىسۋ مۇمكىندىكتەرىن كەڭەيتۋ باعىتىنداعى جۇمىستار اياسىندا ءوتتى.
