الماتىدا اۋا تەمپەراتۋراسىنىڭ كۇرت تومەندەۋىنە بايلانىستى قالا اكىمى دارحان ساتىبالدىنىڭ تاپسىرماسىمەن جىلىتۋ ماۋسىمىن ادەتتەگىدەن ەرتەرەك باستاۋ تۋرالى شەشىم قابىلداندى، - دەپ حابارلايدى alnews.
9 قازاننان باستاپ قالادا ورتالىق جىلۋ جۇيەسىنە قوسۋ جۇمىستارى باستالادى.
الدىمەن جىلۋ الەۋمەتتىك نىساندارعا – بالاباقشالارعا، مەكتەپتەرگە جانە مەديسينالىق مەكەمەلەرگە بەرىلەدى. بۇل تۋرالى الماتى قالاسىنىڭ ەنەرگەتيكا جانە سۋمەن جابدىقتاۋ باسقارماسىنىڭ وكىلدەرى ايتتى.
تۇرعىن ۇيلەردى ورتالىق جىلۋعا قوسۋدى 10 قازاننان باستاۋ جوسپارلانعان. جىلۋ ۇيگە بەرىلگەننەن كەيىن پيك پەن ميب ماماندارى ىشكى جىلۋ جۇيەلەرىن رەتتەيدى. ولار رادياتورلار مەن تىكقۇبىرلارداعى اۋانى شىعارىپ، قىسىمدى رەتتەيدى جانە جىلۋدىڭ پاتەرلەرگە بىركەلكى تارالۋىن قامتاماسىز ەتەدى.
«الماتى جىلۋ جۇيەسى» ج ش س قىسقى كەزەڭگە دايىندىق جۇمىستارىن اياقتادى. جىلۋ جەلىلەرىندە تۋىنداۋى مۇمكىن ماسەلەلەرگە جەدەل دەن قويۋ ءۇشىن ماتەريالدار مەن قاجەتتى جابدىقتاردىڭ قورى جاساقتالدى. 2026-2027 جىلدارداعى جىلىتۋ ماۋسىمىندا 16 اپاتتىق جانە جوندەۋ بريگاداسى كەزەكشىلىك اتقارادى. بارلىعى 220 مامان مەن 56 تەحنيكا جۇمىلدىرىلادى.
