الماتى شاعىن جانە ورتا بيزنەستى دامىتۋ بويىنشا كوشباسشى مارتەبەسىن ساقتاپ كەلەدى

الماتى شاعىن جانە ورتا كاسىپكەرلىكتى دامىتۋ كورسەتكىشتەرى بويىنشا دا ەلىمىزدەگى جەتەكشى وڭىرلەردىڭ ءبىرى بولىپ قالا بەرەدى. بۇگىندە مەگاپوليس شاعىن جانە ورتا كاسىپكەرلىك ءونىمىن ءوندىرۋ كولەمى بويىنشا ەلىمىزدە كوش باستاپ كەلەدى. سونىمەن قاتار ساۋدا سالاسىن دامىتۋ جانە بيزنەستى قولداۋ شارالارىن ىسكە اسىرۋ باعىتىندا دا ءبىرىنشى ورىندا تۇر، - دەپ حابارلايدى alnews.
 
الماتى قالاسى كاسىپكەرلىك جانە ينۆەستيسيالار باسقارماسى وكىلدەرىنىڭ مالىمەتىنشە، 2026 جىلى 1 شىلدەدەگى جاعداي بويىنشا قالادا 362 345 بەلسەندى شاعىن جانە ورتا كاسىپكەرلىك سۋبەكتىسى جۇمىس ىستەيدى. 2025 جىلدىڭ قورىتىندىسىندا شاعىن جانە ورتا كاسىپكەرلىك سۋبەكتىلەرى وندىرگەن ءونىم كولەمى 306،2 ملرد تەڭگە بولىپ، الدىڭعى جىلمەن سالىستىرعاندا 3،1%-عا ءوستى.
 
كاسىپكەرلىك بەلسەندىلىكتى ودان ءارى دامىتۋ ماقساتىندا الماتىدا بيزنەستى قولداۋدىڭ مەملەكەتتىك جانە وڭىرلىك باعدارلامالارى ىسكە اسىرىلىپ جاتىر. 2026 جىلى جەرگىلىكتى بيۋدجەتتەن كاسىپكەرلەردى سۋبسيديالاۋ مەن جەڭىلدەتىلگەن نەسيەلەۋگە 26 ملرد تەڭگە ءبولىندى. بيىلعى جىلدىڭ ءبىرىنشى توقسانىندا 304 جوباعا قولداۋ كورسەتىلىپ، جالپى سوماسى 46 ملرد تەڭگەنىڭ نەسيەسى بەرىلدى.
 
قالا ەكونوميكاسىنىڭ دامۋىنا ساۋدا سالاسى دا قوماقتى ۇلەس قوسىپ كەلەدى. الماتى رەسپۋبليكا بويىنشا ساۋدا سالاسىندا دا كوش باستاپ تۇر. قالا رەسپۋبليكاداعى جالپى ساۋدا كولەمىنىڭ 34%-ىن قامتاماسىز ەتەدى. 2026 جىلدىڭ العاشقى التى ايىندا ساۋدا اينالىمى 12،3 ترلن تەڭگەگە جەتىپ، وتكەن جىلدىڭ وسى كەزەڭىمەن سالىستىرعاندا 5،3%-عا ارتتى.
 
كاسىپكەرلىكتى قولداۋدىڭ نەگىزگى باعىتتارىنىڭ ءبىرى – شاعىن ونەركاسىپتىك پاركتەردى دامىتۋ. بۇل تەتىك كاسىپكەرلەرگە زاماناۋي وندىرىستىك ينفراقۇرىلىمعا قول جەتكىزۋگە مۇمكىندىك بەرىپ، جاڭا جۇمىس ورىندارىن اشۋعا ىقپال ەتەدى.
 
قازىرگى ۋاقىتتا الماتىدا جالپى قۇنى 53،1 ملرد تەڭگە بولاتىن 70 شاعىن ونەركاسىپتىك پارك جوباسىن جۇزەگە اسىرۋ جوسپارلانعان. سونىڭ ناتيجەسىندە 6 874 جاڭا جۇمىس ورنى قۇرىلىپ، وندىرىستىك ماقساتتاعى 430 مىڭ شارشى مەتردەن استام الاڭ پايدالانۋعا بەرىلەدى.
 
جاڭا فورماتتاعى ونەركاسىپتىك پاركتەردە وندىرىستىك سەحتارمەن قاتار كەڭسە، كورمە جانە سەرۆيستىك ايماقتار ورنالاسادى. بۇل ماشينا جاساۋ، تاماق، جيھاز، حيميا جانە قۇرىلىس يندۋسترياسى كاسىپورىندارىنىڭ دامۋىنا سەرپىن بەرەدى.
 
مامانداردىڭ ايتۋىنشا، كاسىپكەرلىكتى قولداۋ مەن وندىرىستىك ينفراقۇرىلىمدى دامىتۋعا باعىتتالعان بۇل جوبالار الماتىنىڭ ينۆەستيسيالىق تارتىمدىلىعىن كۇشەيتىپ، ەكونوميكانىڭ تۇراقتى وسۋىنە جول اشادى.