دوستىق تاپسا دىندەر مەنەن ءدىلىمدى
سالت-داستۇرلەر سىيعا ۇلاستى بۇگىنگى،
ءبىر تۋعانداي ۇلتارالىق كەلىسىم
ءبىر كوتەرگەن باسقا تۇسكەن جۇگىمدى.
سەرت بەرىسىپ تۋىس بولىپ قالۋعا
ناۋبەتتەردەن امان جەتتىك دامۋعا،
بايتاق ەلدىڭ بيىك ۇستاپ بايراعىن
ءبىزدىڭ دوستىق ماڭگى بولىپ قالۋدا.
ءتىلى بولەك بولعانىمەن تىلەك ءبىر
ۇلى دوستىق ماپەلەگەن جۇرەك گۇل،
قازاقستان بار ۇلىسقا شاڭىراق
شايقالماستان شاتتىعىمىز تىرەپ تۇر.
قۋانىشتان جەلپىلدەيدى تۇندىگىم
بار حالىقتىڭ بىرلىك تويى كۇن بۇگىن،
حالقىم ماڭگى عۇمىر كەشسىن باقىتتى،
ءبىر تامىرمەن بايلاپ قويعان كىندىگىن!!!
* * *
مامىردىڭ ءبىرى، دوستىق كۇنى
ءان سالىپ، بيلەگەن حالىقتىڭ ءۇنى.
تۇتاسىپ، تويلاعان ۇلتتار،
كەرەمەت مەرەكە، مامىردىڭ ءبىرى.
* * *
ءار الۋان تىرلىكپەن
الەمدە جاتىر مىڭداپ ەل.
اينىماس دوستىق، بىرلىكتىڭ
ايماعىن كورسەڭ، مۇندا كەل!...
تەڭسىزدىك تەرەڭ كومىلدى،
شاتتىقتان شالقىپ ءوندى ءۇنىم،
بارشاسى مۇندا كوڭىلدى
اق، قارا، سارى ءوڭدىنىڭ...
ارتىقشا تازا مورالدى
اق، قارا جىگى، قىز قانداي!
ماحاببات قايتا جارالدى،
جۇرەكتەن جۇرەك قىزعانباي.
كۇندەردەن ورتاق سىباعا،
كۇرەستە دايىم بىرگەمىز.
ارادا جول جوق سىناعا،
ءمارمارداي تۇتاس ىرگەمىز.
ولكەمدە ولمەس ءتىرى اڭىز
قالادى جازدان، قىستان دا.
جۇراعات جۇرتتار تۇرامىز
وسىنداي قازاقستاندا...
* * *
بىرلىك كەرەك، بىرلىك كەرەك، اعايىن!
ەلدىڭ باسىن بىرىكتىرەر ءاردايىم.
ال بولماسا اشۋ-ىزا بويدا بار،
«ءايت ! ءايت !» دەسە قىرقىسارداي جاعدايىڭ.
قايران قازاق، ارلى قازاق، قالاي-اي،
قالپاقپەنەن ۇرىپ الدى.....
ءوزىڭ تۇگىل كولەڭكەڭنەن قورقاتىن،
ورىس، جۇڭگو ايداپ سالدى-اۋ جوڭعاردى-اي.
بىرلىك كەرەك، بىرلىك كەرەك، اعايىن!
اسا ءتۇسسىن بيبىتشىلىك جاعدايىڭ.
ەلباسىڭ دا، ەل-جۇرتىڭ دا، قۇتتى بول،
الاتاۋداي مىزعىمايتىن سىنبايتىن!
بىرلىك كەرەك، بىرلىك كەرەك، اعايىن!
* * *
اۋەلى ەتىپ بىلىك باسىڭدى قوس،
سوننان سوڭ ءار مۇراتتان قالماسسىڭ بوس.
جەكە داق ءۇنىڭ شىقپاس، ءىسىڭ بىتپەس،
جان قورقىپ، جالعىز قۋراي كورىنىپ قوس.
دەگەن بار بۇرىننان-اق «كوپ قورقىتار ...»
بولادى تۇرسڭ تۇتاس دۇشپان دا دوس.
الاتاۋىڭ الا بولىپ تۇرعان كۇندە،
اسىڭنىڭ اۋىزىڭداعى كەتۋىن توس.
تالاستى الالىقپەن تاستاماساڭ،
ءبىر كۇنى تۋعان جەرگە ايتارسىڭ «قوش».
بىرلىكپەن يلەۋ سالعان قۇمىرىسقا دا
قازاعىم، ءىسىڭ وڭباس بىرىكپەي قوس.
ءسابيت دونەنتايەۆ (بىرلىك)
* * *
سارى، اقپىز، قارامىز،
ءبارىمىز دە بالامىز.
ءبىر وتاندا تۇرامىز،
ءبىر مەكتەپكە بارامىز.
* * *
التاي، كاۆكاز ۇلاسىپ،
باۋرايى بۇيرات كەڭ جاتىر.
باقىتتىڭ ءانى اسقاقتاپ،
قۇلاققا داۋسى كەپ جاتىر.
* * *
قىرعىز، قازاق، وزبەكتەر،
مونعول، ۇيعىر، دۇنگەندەر.
ارميان، تاجىك، گرۋزين،
ورىس پەنەن ۋكراين،
تەرەزەسى تەڭ جاتىر.
* * *
اقپىز، قارا، سارىمىز
اعايىنبىز ءبارىمىز
ورتاق بولسىن اسقار تاۋ
جەمىس تولى باقشا-باۋ
بولسىن جەر مەن سۋ ورتاق
بولسىن بىزگە نۋ ورتاق
اقپىز، قارا، سارىمىز
اعايىنبىز ءبارىمىز!
* * *
ءتىلى بولەك بولعانىمەن تىلەگى ءبىر
ۇلى دوستىق ماپەلەگەن جۇرەگى گۇل،
قازاقستان بار ۇلىسقا شاڭىراق
شايقالماستان شاتتىعىمىز تىرەپ تۇر.
قۋانىشتان جەلكىلدەيدىتۇندىگىم
بار حالىقتىڭ بىرلىك تويى كۇن بۇگىن،
حالقىم ماڭگى عۇمىر كەشسىن باقىتتى،
بار تامىرمەن بايلاپ قويعان كىندىگىن.
* * *
سىردىڭ بويىن ەجەلدەن جايلاعان،
ورىس، قازاق قاتار قونعان باي دالام،
حالىقتاردىڭ دوستىعىنىڭ ايعاعى
بۇگىنگى كۇن مەرەكەدە جايناعان
* * *
قادىرمەندى ءبىر دوسىمىز – وزبەگىم،
قالتقىسى جوق دەمىڭ بەينە ءوز دەمىم
ءوز سوزىمدەي جانعا جايلى سوزدەرىڭ
ءوز كوزىمدەي كۇلىمدەيدى كوزدەرىڭ
ءدام تۇزىمىز ارالاسپىز ارىدەن،
داستارحاندا جايىلادى سانىمەن
پالاۋىڭ مەن بەسبارماعىم سىبايلاس
كەزەك جەيمىز الما، ورىك دامىڭنەن.
* * *
تىڭدا، تىڭدا، تىڭدا مەنى
ۇلى جۇرتىم ورىس حالقىم
سەن تەربەتىپ وسىرگەنسىڭ،
سەنىڭ داڭقىڭ، مەنىڭ داڭقىم.
* * *
اق، قارا دەپ الدىمەن
ەلىم بولمەس ادامدى
ءداستۇر، ونەر سالتىمەن
تاڭقالدىرعان عالامدى.
* * *
دوستار بولسا دوستىق اتىن اقتاعان
الىس جولدا – جاقىن جول
قارا بالا، سارى بالا، اق بالا
تۋىستارداي تاتۋ بول.
* * *
قازاق جەرى – قوناقجاي ءتوردىڭ جەرى.
قازاق ەلى قاس ساقتاي ەردىڭ ەلى.
تولقىنىندا تاريحتىڭ قۋعىن كورگەن
بارشا ۇلتقا قۇت مەكەن بولعان ەدى.
زوبالاڭدا كوپ شەككەن قاسىرەتتى
ۇلت ۇرپاعى ونەرلى، وسيەتتى.
ريزا كوڭىلمەنەن ەلگە دەگەن،
ارنايدى بارشا حالىق اق تىلەكتى.
