جالپىۇلتتىق كواليسيا قىزمەتى اياسىندا الەۋمەتتىك جەلىلەردە پايدالانۋشىلاردىڭ اۆاتارلارىنا تاقىرىپتىق رامكا ورناتۋ باستاماسى جۇزەگە اسىرىلۋدا. بۇگىندە 15 ناۋرىزعا بەلگىلەنگەن جالپىۇلتتىق رەفەرەندۋم قارساڭىندا ءوز ازاماتتىق ۇستانىمىن جاريا تۇردە ءبىلدىرىپ، اكسياعا 88 مىڭنان استام ادام قوسىلدى.
Twibbonize.com اشىق پلاتفورماسىندا ارنايى «referendum2026» تۆيببونى جۇكتەلدى. بىرنەشە كۇن ىشىندە ءوسۋ قارقىنى بويىنشا ول توپ-1 قاتارىنا كىرىپ، سەرۆيستەگى ەڭ كوپ قولدانىلعان تۆيببونعا اينالدى. سونداي-اق پلاتفورمادا باسقا دا باستاماشىلىق اكسيالار ورنالاستىرىلعان. قازىرگى ۋاقىتتا قولداۋشىلاردىڭ جالپى سانى 88 مىڭ ادامعا جەتتى. جاڭا كونستيتۋسيا جوباسىن قولدايتىن ازاماتتار سانى كۇن سايىن ارتىپ كەلەدى.
ونلاين-بەلسەندىلىككە تانىمال قازاقستاندىقتار دا اكسياعا قوسىلدى — بليس-شاحماتتان الەم چەمپيونى ءبيبىسارا اساۋبايەۆا، سيدنەي وليمپياداسىنىڭ جۇلدەگەرى مۇحتارحان دىلدابەكوۆ، بوكستان قازاقستاننىڭ ءۇش دۇركىن چەمپيونى ۆاسيليي ليەۆيت، ەڭبەك سىڭىرگەن ونەر قايراتكەرى قاراكوز سۇلەيمەنوۆا، مۋزىكانت اباي بەگەي، پروديۋسەر رەنات باسيت، «دەرۆيشي» توبىنىڭ ءسوليسى ديلمۋرات باحاروۆ، حالىق ءارتىسى تۇڭعىشباي جامانقۇلوۆ، اكتەر ەربولات تولەگەن جانە باسقا دا كوپتەگەن تۇلعالار.
بۇل باستاما قازاقستاننىڭ ءار وڭىرىندەگى پايدالانۋشىلاردى بىرىكتىرىپ، ازاماتتاردىڭ ەل بولاشاعىن تالقىلاۋعا قاتىسۋىنىڭ جوعارى دەڭگەيىن كورسەتە وتىرىپ، قوعامدا ەرەكشە نازار اۋدارتقان سيفرلىق فورماتتاردىڭ بىرىنە اينالدى.
تاقىرىپتىق رامكانى تومەندەگى سىلتەمە ارقىلى ورناتۋعا بولادى:
https://www.twibbonize.com/referendum2026
