الماتىدا الداعى رەسپۋبليكالىق رەفەرەندۋمعا ارنالعان كەزدەسۋلەر مەن ديالوگ الاڭدارى جالعاسىپ جاتىر. اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە «ادىلەتتى جانە پروگرەسسيۆتى قازاقستاننىڭ حالىق كونستيتۋسياسى ءۇشىن!» جالپىۇلتتىق كواليسيا وكىلدەرى وقۋ ورنى ۇجىمىمەن كەزدەستى، - دەپ حابارلايدى alnews.
ءىس-شاراعا ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ايگۇل قۇسپان، الماتى قالالىق ءماسليحاتىنىڭ ءتوراعاسى مەيرجان وتىنشييەۆ، «جاستار رۋحى» جاستار قاناتىنىڭ ءتوراعاسى ديدار دىلدابەك جانە AMANAT پارتياسىنىڭ مەدەۋ اۋداندىق فيليالىنىڭ جەتەكشىسى ەرجان مەدەۋوۆا قاتىستى.
كەزدەسۋ بارىسىندا قاتىسۋشىلار رەفەرەندۋمنىڭ ماڭىزى مەن ازاماتتاردىڭ مەملەكەتتىك شەشىم قابىلداۋداعى ءرولىن تالقىلادى.
"رەفەرەندۋمعا قاتىسۋ — ازاماتتىق جاۋاپكەرشىلىكتىڭ ماڭىزدى كورىنىسى"، — دەدى ايگۇل قۇسپان.
كەزدەسۋگە قاتىسۋشىلار رەسپۋبليكالىق رەفەرەندۋم وتكىزۋدى قولدايتىنىن ءبىلدىردى.
ءتۇسىندىرۋ كەزدەسۋى «ستال سەرۆيس» كومپانياسىنىڭ ەڭبەك ۇجىمىمەن دە ءوتتى. ءىس-شاراعا الماتى قالالىق ءماسليحاتىنىڭ دەپۋتاتتارى جانە قوعامدىق قۇرىلىم وكىلدەرى قاتىستى.
كەزدەسۋ بارىسىندا الداعى داۋىس بەرۋدىڭ قوعامدىق ماڭىزىنا قاتىستى ماسەلەلەر كوتەرىلدى.
"بەلسەندى ازاماتتىق ۇستانىم جانە رەفەرەندۋمعا قاتىسۋ ەلدىڭ دامۋى ءۇشىن قاعيداتتى مانگە يە"، — دەدى الماتى قالالىق ءماسليحاتىنىڭ دەپۋتاتى دۋلات تاستەكەي.
الداعى رەفەرەندۋمدى تالقىلاۋ قازاقستان حالقى اسسامبلەياسى جانىنداعى «اسسامبلەيا جاستارى» اكتيۆىنىڭ ديالوگ الاڭىندا دا جالعاستى. مەدەۋ اۋدانىنىڭ كوميۋنيتي-ورتالىعىندا وتكەن جيىنعا جاستار ۇيىمدارىنىڭ، ستۋدەنتتەر قاۋىمىنىڭ جانە قوعامدىق ينستيتۋتتاردىڭ وكىلدەرى قاتىستى.
"جاستار قوعامدىق-ساياسي ۇدەرىستەرگە بەلسەندى قاتىسۋعا ءتيىس"، — دەدى قحا مۇشەسى ءارى الماتى قالاسىنىڭ قوعامدىق كەڭەسىنىڭ مۇشەسى رۋستام قايرىيەۆ.
كەزدەسۋلەرگە قاتىسۋشىلار رەسپۋبليكالىق رەفەرەندۋم وتكىزۋدى قولدايتىندارىن جەتكىزدى.
ەسكە سالايىق، مەملەكەت باسشىسىنىڭ جارلىعىنا سايكەس، 15 ناۋرىزدا قازاقستاندا جاڭا كونستيتۋسيانى قابىلداۋ بويىنشا رەسپۋبليكالىق رەفەرەندۋم وتكىزۋ جوسپارلانعان.
