Iran turǵysynan:
- Batyl qadam retinde qaraýǵa bolady. Sebebi, shabýyl alǵash ret óz terıtorıasynan tikeleı jasaldy.
- Damask qalasyndaǵy shabýyldan keıin el ishinde bılikke degen narazylyq kúsheıdi (Iranda Homeneı rejımine degen narazylyq turaqty túrde bar).
- Tehran (Tegeran) eń aldymen ishki narazylyqtarǵa jaýap retinde áýe soqqylaryn jasady degen kózqaras sarapshylar arasynda basym.
- Shabýyl nátıjesine qarap Iran taraby áýe soqqylary «tabysty» bolmaǵanyn kóremiz. Izraılge aıtarlyqtaı shyǵyn kelgen joq. Bir ǵana áskerı nysandaǵy ınfraqurylym búlindi.
- Shabýylda taktıkalyq ushqyshsyz ushaqtar qoldanyldy. Bul áýe qorǵanys júıesi ońaı ustap alatyn túri. Osyǵan qarap Iran túbegeıli qaqtyǵys bolýyn qalamaıdy degen pikirler shyqty.
- Iran Izraıldiń qatań jaýabyn qalamaıtynyn ańǵartty. Anyǵynda qos tarapta jańa soǵys alańyn ashýǵa qulyqsyz.
Izraıl turǵysynan:
- Resmı málimdemelerde qatań jaýap qaıtaratynyn eskertken, biraq qazirge deıin teń jaýap berilgen joq.
- Áýe shabýyly Tel-Avıvtiń aımaqtaǵy ımıjine keri áseri bolǵany anyq. Bul ózine qarsy kúshke qatań ustanymdaǵy Izraıldiń dástúrli metotyna ózgeris ákeldi.
- Hamaspen soǵys kezinde jańa shepte soǵysý Izraıl úshin de túbegeıli tıimsiz.
Orta Shyǵys kartınasynan:
Iran men Izraıl aımaqtaǵy negizgi oıynshylardyń qatarynda. Ári basty qarsylastar. Ásirese Amerıka Qurama Shtattarynyń aımaqtaǵy saıasatyna basty kedergi retinde qarastyrylady. Izraıldiń qatań jaýap bermeýine Vashıngton yqpal etti degendi kóptegen sarapshylar quptaıdy. AQSH udaıy Irandy aımaqtaǵy qaýipti kúsh ortalyǵy retinde kórsetedi. Bul arqyly Arab elderimen yntymaqtastyqty ustaı alady jáne Izraıl, Túrkıa syndy odaqtastaryn da ózine tartýǵa qoldanady. Irannyń kezekti áreketi jáne onyń nátıjesi Irannyń qaýip kúshi tym artyq kórsetiletinin de ańǵartqandaı boldy.
Mine bularǵa qarap aımaqta aýqymdy qaqtyǵys múmkindigi áli de joǵary emes. Ári onyń múmkindigine Amerıka Qurama Shtattary sheshýshi ról atqaratynyn túsine alamyz. Irannyń soǵysqa tartylýy Shyǵanaqtaǵy turaqtylyqqa úlken qaýip tóndiredi, ári bul álemdik munaı baǵasyna áser etedi. Bul turǵydan qarap qysqa merzimdi prespektıvada aýqymdy soǵystyń aýyly alys degen boljam aıtýǵa bolady.
