8 maýsym kúni Almatyda Sıan qalasynyń (QHR) týrısik áleýetin tanystyrýǵa arnalǵan «Myńjyldyq kóne astana – Chananǵa qosh keldińizder» atty is-shara ótti, - dep habarlaıdy alnews.
Basqosý Qazaqstan men Qytaıdyń memlekettik organdarynyń, týrısik sala jáne bıznes ókilderiniń basyn qosty.
Tanystyrylym barysynda qatysýshylarǵa Sıan qalasynyń týrısik baǵyttary, mádenı murasy men týrısik áleýeti, sondaı-aq eki qala arasyndaǵy týrızm salasyndaǵy yntymaqtastyqty odan ári damytý múmkindikteri tanystyryldy. Baǵdarlama aıasynda mádenı óner qoıylymdary kórsetilip, eki eldiń týrısik ındýstrıa ókilderi arasynda B2B formatyndaǵy kezdesý uıymdastyryldy.
İs-sharanyń mańyzdy oqıǵalarynyń biri «Qytaı – Ortalyq Azıa» halyqaralyq mádenı-týrıstik poıyzy boıynsha turaqty yntymaqtastyq týraly kelisimge qol qoıý boldy. Qujatqa Sıan qalasynyń Mádenıet jáne týrızm basqarmasy basshysynyń orynbasary Chjao Fen men Almaty qalasy Týrızm basqarmasy basshysynyń orynbasary Aqmaral Eshanova qol qoıdy.
Bul is-shara Almaty men Sıan arasyndaǵy týrısik, mádenı jáne gýmanıtarlyq baılanysty nyǵaıtýdaǵy kezekti mańyzdy qadam boldy. Sondaı-aq, bul bastama Qazaqstan men Qytaı arasyndaǵy ózara týrıser sanynyń artýyna yqpal etedi.
