Dıplomatıalyq is-qımyldyń máninen mynalardy ańǵara alamyz:
- Brıtanıanyń OA aımaǵyna qaratqan syrtqy saıasaty jańardy;
- OA aımaǵynda taǵy bir múddeli taraptyń belsendiligi oıandy. Máskeý, Beıjiń, Vashıngton, Brússel, Parıj ben Berlın syndy kúsh ortalyqtaryna London da qosylyp otyr;
- Aǵylshyndar álemdegi ózge básekeles taraptarmen qatar aımaqtaǵy múddesin alǵa jyljytqysy keledi;
- Brıtanıa Reseıge salynǵan sanksıaǵa bastamashy jáne turaqty qoldaýshy tarap. Sondyqtan, eń keminde OA Reseıdiń sanksıadan aınalyp ótetin joly bolyp ketýiniń aldyn alǵysy keledi;
- Aǵylshyn eli de ózge básekeles taraptarǵa uqsas aımaqtaǵy tabıǵı resýrstaryn, ásirese bolashaqtaǵy jańa energıa kózderine aınalýy múmkin sırek elementterden óz úlesin qamtyǵysy keledi;
- Kezekti dıplomatıalyq saparda kóbinshe mádenı-gýmanıtarlyq baǵyttarda yntymaqtastyq, saýda-bıznesti qoldaý baǵytyn basty nazarǵa ustaıdy; qatarynda aımaqtaǵy aǵylshyn tilin damytý baǵdarlamalaryn qarjylandyrý sekildi usynystary da bolýy múmkin.
Jalpy jaǵdaı:
- Syrt kúshterdiń belsendi bola túsýi aımaqtaǵy geosaıası oıyndardyń jıiligin arttyrady;
- Syrt kúshterdiń OA-daǵy qadamnyń jıileýi Reseıdiń aımaqtaǵy múddesine belgili qaýipter tóndiredi; Bul jaǵdaı óz kezeginde OA jáne Reseı arasyndaǵy qarym-qatynastarǵa jańa syn-qaterler alyp keledi;
- Aımaq elderi kóptarapty syrtqy saıasatty saqtaý men damytýda barǵan saıyn qıyn synaqtarǵa tap keledi;
