Almatyǵa álemge tanymal kanadalyq sırk kompanıasy Cirque du Soleil keldi. Ataqty ujym 11-14 maýsym aralyǵynda Almaty Arena sahnasynda óz ónerin kórermen nazaryna usynady. Ańyzǵa aınalǵan trýppanyń gastróldik sapary bıylǵy jazdyń eń jarqyn mádenı oqıǵalarynyń birine aınalyp, Qazaqstan men shetelden keletin kórermenderdiń qyzyǵýshylyǵyn týdyrady dep kútilýde, - dep habarlaıdy alnews.
Almatyǵa kelgen ýaqytta Cirque du Soleil artıseri men ókilderi Shymbulaq taý kýrortynda jáne qalanyń birqatar týrısik nysandarynda boldy. Qonaqtardy megapolıstiń týrısik múmkindigimen tanystyrǵan Almaty Tourism Bureau komandasy.
Cirque du Soleil – álemdegi eń tanymal shoý-jobalardyń biri. Kompanıa ondaǵan elden kelgen artıserdi biriktirip, sırk ónerin, teatrdy, mýzykany jáne zamanaýı tehnologıalardy úılestirgen erekshe qoıylymdarymen tanymal. Dástúrli sırkterden aıyrmashylyǵy, Cirque du Soleil baǵdarlamalarynda janýarlar paıdalanylmaıdy. Barlyq qoıylym artıserdiń sheberligine, akrobatıkaǵa, horeografıaǵa jáne áserli vızýaldy sheshimderge negizdelgen. Kompanıanyń ónerin osy ýaqytqa deıin alty qurlyqta 400 mıllıonnan astam kórermen tamashalaǵan.
Osyndaı halyqaralyq mádenı is-sharalar oqıǵalyq týrızmdi damytýda mańyzdy ról atqaryp, sheteldik týrıserdi tartýǵa jáne Almatynyń halyqaralyq deńgeıdegi tanymaldylyǵyn arttyrýǵa yqpal etedi. Boljam boıynsha, 2026 jyly qalaǵa keletin sheteldik týrıser sany 800 myń adamnan asyp, megapolıs úshin jańa rekordtyq kórsetkishke jetedi.
