الاتاۋ اۋدانىندا 2026 جىلدىڭ سوڭىنا دەيىن جالپى سىيىمدىلىعى 4 300 ورىندىق ءتورت مەكتەپتى اشۋ جوسپارلانىپ وتىر. بۇل تۋرالى اۋدان اكىمدىگىنىڭ وكىلدەرى ايتتى.
جاڭا وقۋ جىلىندا زەردەلى شاعىناۋدانىنداعى 550 ورىندىق №178 ليسەي، اقمارجان شاعىناۋدانىنداعى 2 مىڭ ورىندىق №230 مەكتەپ جانە عاجايىپ شاعىناۋدانىنداعى 1 200 ورىندىق جاڭا مەكتەپ وقۋشىلاردى قابىلدايدى. ال قاراسۋ شاعىناۋدانىنداعى №160 مەكتەپتى بيىلعى قاراشا ايىندا پايدالانۋعا بەرۋ جوسپارلانعان.
سايالى شاعىناۋدانىندا تاۋلىگىنە 200 كەلۋشىگە ارنالعان وتباسىلىق دارىگەرلىك امبۋلاتوريانىڭ قۇرىلىسى اياقتالدى. سونداي-اق مۇندا بالالاردى ۇيىرمەلەرگە قابىلداۋ جۇرگىزىلىپ جاتقان يننوۆاسيالىق شىعارماشىلىق ورتالىعى سالىندى.
ينجەنەرلىك ينفراقۇرىلىمدى دامىتۋ جۇمىستارى جالعاسۋدا. 2026 جىلى راحات–مادەنيەت جانە شاپاعات شاعىناۋداندارىندا ۇزىندىعى 177،8 شاقىرىم بولاتىن سۋ قۇبىرى مەن كارىز جەلىلەرىن پايدالانۋعا بەرۋ جوسپارلانعان. بۇل شامامەن 19 مىڭ تۇرعىندى ينجەنەرلىك قىزمەتتەرمەن قامتاماسىز ەتۋگە مۇمكىندىك بەرەدى. تەرەكتى شاعىناۋدانىندا قوسىمشا 92،2 شاقىرىم ينجەنەرلىك جەلى سالىنىپ جاتىر.
سونىمەن قاتار جالپى ۇزىندىعى 61،1 شاقىرىم بولاتىن 95 كوشەدە ورتاشا جول جوندەۋ جۇمىستارى جۇرگىزىلۋدە. ۇزىندىعى 3،2 شاقىرىم بولاتىن ساين كوشەسى اۋماعىنىڭ قۇرىلىسى اياقتالدى. بورالداي، راحات–مادەنيەت جانە تەرەكتى شاعىناۋداندارىندا جۇمىستار جالعاسۋدا.
