الماتى حالىقارالىق گاسترونوميا وكىلدەرىنىڭ نازارىن اۋدارىپ كەلەدى. 2026 جىلى 29-30 قاراشادا قالاعا ازيا، ەۋروپا، اقش جانە تاياۋ شىعىستا مەيرامحانا سالاسىندا 15 جىلدان استام تاجىريبەسى بار وڭتۇستىككورەيالىق اسپاز Sin Keun Choi كەلەدى، - دەپ حابارلايدى alnews.
اسپازدىڭ تانىمال جوبالارىنىڭ ءبىرى دۋبايداعى FIVE LUXE بەس جۇلدىزدى قوناق ۇيىندە ورنالاسقان Ronin مەيرامحاناسى. ول وسى مەيرامحانانىڭ گاسترونوميالىق تۇجىرىمداماسىن ازىرلەگەن. 2025 جىلى مەيرامحانا MICHELIN گيدىنە ەنىپ، «جىل جاڭالىعى» (Opening of the Year) ارنايى ماراپاتىن يەلەندى.
الماتىدا Sin Keun Choi «وسوبنياك» مەيرامحاناسىنىڭ گاسترونوميالىق ءىس-شاراسىنا قاتىسادى. سونىمەن قاتار Shymbulak تاۋ كۋرورتىمەن تانىسادى.
حالىقارالىق دەڭگەيدە تانىلعان اسپازداردىڭ الماتىعا كەلۋى قالانىڭ گاسترونوميالىق ءتۋريزمىن دامىتۋعا جول اشادى. جەرگىلىكتى ونىمدەر مەن ۇلتتىق تاعامداردى زاماناۋي مەيرامحانا مادەنيەتىمەن ۇشتاستىرۋ قالانىڭ تۋريستىك تارتىمدىلىعىن ارتتىرۋعا مۇمكىندىك بەرەدى.