الماتىنىڭ ناۋرىزباي اۋدانىنداعى قالقامان شاعىناۋدانىندا №22، 23، 24 جانە 25 تۇرعىن ۇيلەردىڭ اۋلا اۋماعىن كوركەيتۋ جۇمىستارى اياقتالدى، - دەپ حابارلايدى alnews.
مۇندا جاڭا بالالار ويىن كەشەندەرى مەن اشىق اسپان استىنداعى سپورتتىق جاتتىعۋ قۇرىلعىلارى ورناتىلىپ، كوگالداندىرۋ جۇمىستارى جۇرگىزىلدى. بۇل تۋرالى اۋدان اكىمدىگىنىڭ وكىلدەرى حابارلادى.
جۇمىس 2026 جىلعا ارنالعان اۋلا اۋماقتارىن اعىمداعى جوندەۋ باعدارلاماسى اياسىندا اتقارىلدى. جاڭارتىلعان اۋماق ءتورت تۇرعىن ءۇيدى قامتيدى. وندا بارلىعى 208 پاتەر ورنالاسقان.
بالالارعا ارنالعان ءتورت ويىن كەشەنى ورناتىلىپ، سپورتپەن شۇعىلدانۋعا ارنالعان 11 كوشە ترەناجەرى قويىلدى. سونىمەن قاتار سەگىز شاعىن ساۋلەت نىسانى ورنالاستىرىلىپ، 810 شارشى مەتر اۋماققا ءقاۋىپسىز تارتان جابىنى توسەلدى.
كوركەيتۋ بارىسىندا 364 قۋما مەتر قورشاۋ ورناتىلىپ، 10 تۋيا اعاشى ەگىلدى. سونداي-اق 510 شارشى مەتر اۋماققا كوگال توسەلدى. جاسىل جەلەكتى كۇتىپ-باپتاۋ ءۇشىن ۇزىندىعى 487 مەتر اۆتوماتتى سۋارۋ جۇيەسى تارتىلدى.
جۇمىس ناۋرىزباي اۋدانى اكىمى اپپاراتىنىڭ تاپسىرىسى بويىنشا جۇرگىزىلدى. مەردىگەر ۇيىم – «سكپرومسترويپروەكت» ج ش س.