الماتىدا الەۋمەتتىك ماڭىزى بار ازىق-تۇلىك ونىمدەرىنىڭ باعاسىن تۇراقتاندىرۋ شارالارى جالعاسىپ كەلەدى

الماتىدا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ تەتىكتەرىن ىسكە اسىرۋ اياسىندا «الماتى» الەۋمەتتىك-كاسىپكەرلىك كورپوراسياسى» اق وتاندىق وندىرۋشىلەرمەن جانە قالانىڭ ءىرى ساۋدا جەلىلەرىمەن كەلىسىمشارت جاساستى، - دەپ حابارلايدى alnews.

بۇل شارالار ازىق-تۇلىك باعاسىنىڭ ءوسۋىن تەجەۋگە باعىتتالعان.

«سارى-بۇلاق كومپانياسى» ج ش س قۇس فابريكاسىمەن 2027 جىلدىڭ قازان ايىنا دەيىن ءبىرىنشى ساناتتاعى 86،4 ملن دانا جۇمىرتقانى ءوندىرۋ جانە وتكىزۋ بويىنشا قارىز شارتى جاسالعان. ءبىر جۇمىرتقانىڭ دۇكەن سورەسىندەگى باعاسى 59 تەڭگەدەن جوعارى بولماۋعا ءتيىس. ونىمدەر «Magnum»، «Small»، «استور» ساۋدا جەلىلەرىندە، سونداي-اق «الاتاۋ-قۇس» فيرمالىق دۇكەندەرىندە ساتىلادى.

قۇس ەتىنىڭ باعاسىن تۇراقتاندىرۋ ماقساتىندا كورپوراسيا وتاندىق وندىرۋشىلەرمەن دە كەلىسىمشارت جاساستى. «الاتاۋ-قۇس» اق فيرمالىق دۇكەندەرىندە تاۋىق سيراعىنىڭ ءبىر كەلىسى 1 650 تەڭگەدەن ساتىلۋدا. ال «Nauryz Agro KZ» كومپانياسىمەن تاۋىقتىڭ سان ەتى مەن جامباس ەتىنىڭ كوتەرمە باعاسى كەلىسىنە 1 300 تەڭگەدەن جەتكىزىلەدى. «Magnum» ساۋدا جەلىسىندە بۇل ونىمدەردىڭ باعاسى ساۋدا ۇستەمەسىن 15%-دان اسىرماي، كەلىسىنە 1 495 تەڭگەدەن ساتىپ جاتىر. باعانى تۇراقتاندىرۋ شارالارى «الاتاۋ-قۇس» ونىمدەرى ءۇشىن 2027 جىلى قاراشاعا دەيىن، ال «Nauryz Agro KZ» ونىمدەرى ءۇشىن 2027 جىلى شىلدەنىڭ ورتاسىنا دەيىن جالعاسادى. 

سونىمەن قاتار «الماتىنان» نان-توقاش كومبيناتى» جشس-مەن ءبىرىنشى سۇرىپتى ۇننان دايىندالعان 3 846 154 دانا بولكە ناندى جەتكىزۋ جانە وتكىزۋ تۋرالى كەلىسىم جاسالدى. ونىمدەر «Magnum»، «Small»، «Jardi» ساۋدا جەلىلەرىندە جانە ءۇي ماڭىنداعى دۇكەندەردە ساتىلادى.

بۇدان بولەك، «الماتى» اكك» اق «Magnum» ساۋدا جەلىسىمەن بىرلەسىپ، جالپى كولەمى 9 920 توننا كوكونىس ونىمدەرىنىڭ باعاسىن تۇراقتاندىرۋ تەتىگىن جۇزەگە اسىرىپ جاتىر. ونىڭ ىشىندە كارتوپ، ءسابىز، پياز جانە قىرىققابات بار. كوكونىستەر بەلگىلەنگەن باعامەن ساتىلادى. بۇل شارالار 2027 جىلعى ءساۋىردىڭ سوڭىنا دەيىن جالعاسادى.

سونداي-اق «الماتى» اكك» اق مەن «Magnum» اراسىندا الەۋمەتتىك ماڭىزى بار 11 ءتۇرلى ازىق-تۇلىك تاۋارىنىڭ باعاسىن تۇراقتاندىرۋ جونىندە جالپى كولەمى 517 توننا ونىمگە قارىز شارتى جاسالعان. ولاردىڭ قاتارىندا قاراقۇمىق جارماسى، كۇرىش، ماكارون ونىمدەرى، كۇنباعىس مايى، ايران، سارى ماي، ءسۇت، تاۋىق ەتى، سيىر ەتى، ۇن جانە تۇز بار. باعانى تۇراقتاندىرۋ شارالارى 2027 جىلى ماۋسىمعا دەيىن جالعاسادى.

سونىمەن بىرگە اكك وتاندىق وندىرۋشىلەردەن 4 500 توننا قانت ساتىپ العان. ونىمدەر «Magnum»، «Small»، «Toimart»، «ستوليچنىي»، «يۋبيلەينىي» جانە باسقا دا ساۋدا جەلىلەرىندە كەلىسى 405 تەڭگەدەن ساتىلادى. ساۋدا ۇستەمەسىنىڭ مولشەرى 10%-دان جوعارى بولماۋعا ءتيىس. قانت باعاسىن تۇراقتاندىرۋ شارالارى 2027 جىلعى قاراشاعا دەيىن جالعاسادى.

باعانى تۇراقتاندىرۋ ماقساتىندا «الماتى» اكك» اق ءار دەمالىس سايىن قالانىڭ التى اۋدانىندا اۋىل شارۋاشىلىعى جارمەڭكەلەرىن وتكىزەدى:

* بوستاندىق اۋدانى – قازاقفيلم شاعىناۋدانى؛
* اۋەزوۆ اۋدانى – رىسقۇلبەكوۆ كوشەسى، 33/2؛
* مەدەۋ اۋدانى – مەڭدىقۇلوۆ پەن بەكتۇروۆ كوشەلەرىنىڭ قيىلىسى؛
* المالى اۋدانى – ماسانچي كوشەسى، ايتەكە بي مەن گوگول كوشەلەرىنىڭ ارالىعى؛
* جەتىسۋ اۋدانى – قۇلاگەر شاعىناۋدانى؛
* تۇركسىب اۋدانى – رىسقۇلوۆ پەن ايتىقوۆ كوشەلەرىنىڭ قيىلىسى.

جارمەڭكەلەردە الەۋمەتتىك ماڭىزى بار ازىق-تۇلىك تاۋارلارى نارىقتاعى باعادان تومەن باعامەن ساتىلادى.

باعانى تۇراقتاندىرۋ شارالارى، ونىمدەردىڭ بەكىتىلگەن باعاسى مەن ولاردى ساتاتىن ورىنداردىڭ مەكەنجايلارى تۋرالى تولىق اقپاراتتى almatyazyk.kz رەسمي سايتىنان الۋعا بولادى.

الدىڭعى
ۆ الماتى ۆپەرۆىە وسۆەتيلي دۆۋحكيلومەتروۆۋيۋ دوروگۋ مەجدۋ ميكرورايونامي كەنساي ي سۋلۋساي
كەلەسى
ۆ الماتى پرودولجاەتسيا رەاليزاسيا مەر پو ستابيليزاسيي سەن نا سوسيالنو زناچيمىە پرودۋكتى

سوڭعى جاڭالىقتار:

ىزدەۋ