AQSH memlekettik hatshysy Entonı Blınken Taıaý-SHyǵystaǵy saparyn aıaqtatýǵa jaqyn. Ol Izraıl-Hamas soǵysy bastalǵaly beri aımaqqa osymen 9 ret saparlaı barǵan. Tel-Avıvten attanarda Blınken Izraıl tarabynyń kelisimdi qabyl alǵanyn, Hamasty da atysty toqtatý boıynsha kelissóz shartyn qabyldaýǵa shaqyrǵan bolatyn.
Izraıl premer-mınıstri Netanáhý men AQSH mem. hatshysy arasynda ashyq sóılesý kópke sozylǵan. Bul týraly AQSH Memlekettik departamentiniń ókilderi BAQ-qa málimdegen. Olar osy ashyq sóılesýlerdiń nátıjesinde Izraıl taraby AQSH usynǵan kelisim shartyn qabyldaýǵa kelisken. Degenmen sharttardyń naqty mátini áli de málim emes.
Blınken saparynyń basty maqsaty soǵysýshy jáne kelissózge ara aǵaıyn elderge Gazada tynyshtyq ornatý boıynsha AQSH-tyń usynysyn jetkizý bolatyn. Al AQSH, Katar jáne Mysyrdyń ara aǵaıyndyq etýimen Izraıl men Hamas arasyndaǵy kelissóz 15 tamyz kúni Doha qalasynda bastalǵan. Osy aptada kelissózderdiń ekinshi aınalymy Mysyr ortalyǵy Kaırde ótti.
Áý basta barlyq taraptar Izraıl men Hamas arasyndaǵy usynǵan sharttardy bir ortaqtyqqa keltirý asa qıyn ekenin aıtqan. Tipti kelissózdiń nátıjeli bolaryna senim de az bolǵan. Sebebi, soǵysyp jatqan taraptar bir-biriniń usynǵan sharttaryn qabyldaı almaıtynyn aıtqan. Aıtalyq Hamas bitimge kelý úshin ýaqytsha atysty toqtatý kelisimine jetýdi qalaǵan. Bul talap Izraıl jaǵynan qabyldanbady. Olar úzilis Hamasty tynyǵyp, tipti de kúshti qarsylyq kórsetýge múmkindik beredi dep sanaǵan.
Al Izraıl taraby bolsa soǵystan keıin de óz armıasynyń Gazada qalyp baqylaý ornatýyn, Gaza men Mysyr arasyndaǵy shekara ótkelin ózi baqylaýyn, sonymen birge Gaza ishinde soltústikke qaraı qaıta qonystanatyn bosqyndardy qatań tekseristen ótkizý sekildi sharttar usynǵan. Bul talaptary da Hamas jaǵynan qabyl alynbaıtynyn atalǵan uıym birneshe ret málimdegen.
Blınken sapary barysynda Mysyr men Katar úkimetinen Hamasty kelisimge shaqyrýyn surady.
Málimetterge qaraǵanda AQSH usynǵan kelissózderdiń negizi osyǵan deıin Jo Baıden usynǵan kelissóz sharttaryn qamtıdy. Onda bastapqyda alty aptaǵa soǵys qımyldaryn toqtatý jáne tutqyndardy bosatý týraly kelissózder qarastyrylǵan.
Blınken saparynan keıin amerıkalyq sheneýngter kelissóz sońǵy máresine jaqyndap qalǵanyn aıtqany bar. Degenmen, áli de kelise almaı jatqan máselelerdiń bar ekenin joqqa shyǵarmaıdy.
Buǵan qaraǵanda kelissózder áli de birshama ýaqytqa sozylýy múmkin.
