Сонымен АҚШ президенті Жо Байден келесі 4 заңға қол қойды:
- Украинаға 61 млрд АҚШ долларына жуық көмек беру.
- Израильге 26,38 млрд АҚШ доллары көлемінде көмек беру.
- Үнді-Тынық мұхиты аймағындағы Тайвань және өзге де одақтас елдерге 8,12 млрд АҚШ долларын бөлу.
- «XXI ғасырда күш арқылы бейбітшілікке қол жеткізу» атты ұлттық қауіпсіздік туралы заң.
Біз назар аударуымыз тиіс құжат «XXI ғасырда күш арқылы бейбітшілікке қол жеткізу» заңы. Онда қытайлық әлеуметтік желі Tiktok-ты шектеу, Иранға қарсы санкцияларды үдете түсу сияқты саяси шаралар қамтылған. Сонымен қатар, фентанил, каптагон сияқты есірткі түрлерімен күресуді мақсат етіп қойған.
Қабылданған заңдардан қандай қорытынды шығаруға болады?
- Сыртқы саяси бағдар өзгермейді. Биыл 5 қарашада сайлауда кім жеңсе де геосаяси мақсаттар жүзеге аса бермек.
- Қабылданған 4 заң біртұтас мақсатқа ие деп түсінген жөн. Бәрі де сыртқы саяси бағдарды айқындайды.
- Вашингтонның басты геостратегиялық қарсыластары Ресей, Қытай және Иран, сонымен қатар басты аймақ Таяу Шығыс болып қала береді.
- АҚШ алдағы уақытта да заңсыз есірткі саудасымен күресе бермек.