Sәlem Entertainment өз жобасына қатысты жаңа ақпаратты жариялады, - деп хабарлайды alnews. «Доспехи Бога: Ультиматум» картинасының режиссері жеке өзі Джеки Чан таңдаған қазақстандық Роберт Кун болады.
Роберт Кун қазақстандық аудиторияға Рүстем Омаровтың MEOW, OFFSIDE және «Патруль: Последний приказ» фильмдеріндегі рөлдерімен таныс. Бірақ халықаралық кәсіби киноқоғамдастық үшін Роберт 20 жылдан астам уақыт бойы экшн-сахналардың өзін дәлелдеген режиссері болып табылады. Ол Disney, Paramount, 20th Century Fox, Universal, MGM студияларының жобаларында жұмыс істеді, «Дневной дозор», «Особо опасен», «Президент Линкольн: Охотник на вампиров», «Бен-Гур», «Он – дракон», «Время первых», «Майор Гром: Игра» фильмдерін және ТМД-дағы ең кассалық франшиза – «Последний богатырь» барлық жобаларын жасауға қатысты.
Бұдан басқа, Роберт тек шетелде және Sәlem Entertainment-тің ірі жобалары үшін эксклюзивті жұмыс істейтін қазақстандық Action Studio Kun-Do-ның жетекшісі болып табылады.
«Мен үшін осындай деңгейдегі халықаралық жобаны басқарған режиссер болу үлкен мәртебе. Бала кезіміздегі фильмдерге тәнті болған адаммен иық тірестіре жұмыс істейтініме әлі де сене алмаймын. Біздің бүкіл тобымыз бұл жобаның отандық кинематографияның дамуына серпін беруін мақсат етеді, осы үшін қазақстандық мамандар тартылады. Бұл үлкен жауапкершілік, көрермендеріміз бен отандастарымыздың қолдауына сенеміз», – деп атап өтті Роберт Кун.
«Доспехи Бога: Ультиматум» фильмінің түсірілімі 2026 жылдың көктемінде басталады. Алда әлі актерлер құрамы мен жобаның ауқымы туралы көптеген жаңалықтар бар. Не күтіп тұрғанын бірінші болып білу үшін @salem.entertainment ресми парақшаларындағы жаңартуларды қадағалаңыз.
